Müstəqillik Günü ilə bağlı silsilə tədbirlər keçirilir
Müstəqillik Günü qeyd olunub.
AzTehsil.com xəbər verir ki, Mil-Muğan Regional Təhsil İdarəsinin tabeliyində fəaliyyət göstərən təhsil müəssisələrində 28 May-Müstəqillik Günü ilə bağlı silsilə tədbirlər keçirilib.
Təhsil müəssisələrində Müstəqillik Günü ilə əlaqədar mühazirələr, “Dəyirmi masa”lar, ədəbi-bədii kompozisiyalar, şagirdlərin əl işlərindən ibarət sərgilər, bilik yarışları təşkil edilib.
Dövlət himninin səsləndirilməsi ilə başlayan tədbirlərdə Azərbaycan Xalq Cümhuriyyətinin qurucuları tərəfindən İstiqlal Bəyannaməsinin imzalanması ilə müstəqilliyin dünyaya bəyan edildiyi, 23 ay mövcud olmasına baxmayaraq müsəlman Şərqində demokratik dəyərlərin formalaşması ilə bütün sahələrdə bir çox əhəmiyyətli işlərin görüldüyü barədə şagirdlərə geniş məlumat verilib.
Ölkəmizin müstəqilliyi bərpa olunduqdan sonra qazanılmış uğurlardan, dövlət quruculuğu sahəsində Ümummilli lider Heydər Əliyevin əvəzsiz xidmətlərindən danışılıb. Ulu öndər Heydər Əliyevin siyasi kursunun Prezident cənab İlham Əliyev tərəfindən uğurla davam etdirildiyi şagirdlərin nəzərinə çatdırılıb.
