Xəbərlər
18 mart 2017
3 836
Şabranda Ümummilli lider Heydər Əliyevin 94 illiyi münasibətilə müsabiqə keçirilib
Martın 17-də Şabran Rayon Təhsil Şöbəsi tərəfindən ümumilli lider Heydər Əliyevin anadan olmasının 94-cü ildönümü ilə əlaqədar məktəblilər arasında "Ən yaxşı təqdimat” müsabiqəsinin rayon mərhələsi keçirilib.
RTŞ tərkibində yaradılmış işçi qrup tərəfindən 23 məktəbdən 39 şagirdin təqdimatı dinlənilərək qiymətləndirilib.
Turun qalibi 2 nömrəli tam orta məktəbin şagirdi Məryəm Hacıyeva müsabiqənin respublika mərhələsində iştirak etmək hüququ qazanıb.
"Ən yaxşı təqdimat” müsabiqəsinin seçim turunda təqdimatçıların sərbəstliyi, nitqinin səlisliyi, ardıcıllıq, təqdimatın maraqlı formada olması, ulu öndər Heydər Əliyevin genişmiqyaslı fəaliyyəti barədə dolğun məlumat verməsi əsas amillərdən hesab olunur.
Gülər Hüseynova(Şabran təhsil şöbəsi, ictimaiyyətlə əlaqələr üzrə məsul şəxs)
