Növbəti tədris ilindən etibarən...- ƏTRAFLI

Növbəti tədris ilindən etibarən...

Növbəti tədris ilindən etibarən rekord sayda tələbə qəbul ediləcək - Nazir müavini açıqlayıb.

AzTehsil.com xəbər verir ki, “Bakı Dövlət Universiteti (BDU) yüz ildən artıqdır ki, insan kapitalının formalaşdırılması kimi müqəddəs missiyanın öhdəsindən böyük şərəf və qürurla gəlir. Bu illər ərzində universitet yalnız elm, təhsil və tədqiqat müəssisəsi olmaqla kifayətlənməyib, eyni zamanda xalqımızın intellektual inkişafında, milli kimliyimizin formalaşmasında və dövlətçiliyimizin möhkəmlənməsində mühüm rol oynayıb”.

AzTehsil.com xəbər verir ki, bu sözləri elm və təhsil nazirinin müavini Kənan Kərimzadə BDU-nun məzun günündə deyib.

O bildirib ki, hazırda 25 mindən artıq tələbəsi olan BDU-nun ölkədə ali təhsilin flaqmanı kimi nüfuzunu qoruması, keyfiyyətli tədrisin təşkili və güclü sosial baza ilə təmin olunması həm də dövlət səviyyəsində elmə və təhsilə göstərilən diqqət və qayğının nəticəsidir:

“Prezident İlham Əliyevin rəhbərliyi ilə həyata keçirilən islahatlar çərçivəsində son illər ali təhsil müəssisələrinin maddi-texniki bazası gücləndirilib, müasir infrastruktur yaradılıb və qabaqcıl texnologiyalar tədris prosesinə tətbiq olunub. 2025/2026-cı tədris ilindən etibarən rekord sayda - 75000 tələbə qəbul ediləcək. Bu da təhsilin inkişafına dövlətin verdiyi dəyərin göstəricisidir".

Nazir müavini qeyd edib ki, Azərbaycan ali təhsilinin uğurları artıq regional və beynəlxalq miqyasda da tanınır: “QS 2026" dünya universitetləri reytinqində ölkə tarixində ilk dəfə olaraq 6 Azərbaycan universiteti dünyanın ən yaxşı ali təhsil müəssisələri sırasında yer aldı. BDU isə bu reytinq cədvəlində 688-ci yerdə qərarlaşıb. Bu, həm Azərbaycanda, həm də ümumilikdə Cənubi Qafqazda ən yüksək göstəricidir”