BDU-də magistratura səviyyəsində 7 yeni ixtisaslaşma açılıb
BDU-də magistratura səviyyəsində 7 yeni ixtisaslaşma açılıb .
BDU-da artıq neçə ildir keçirilən Karyera Festivalının məqsədi tələbə və məzunları ölkənin aparıcı təşkilat və şirkətləri ilə bir araya gətirmək, onların əmək bazarına uğurlu inteqrasiyasını təmin etmək, savadlı, bacarıqlı və təcrübəli gənclərin ixtisasyönümlü karyera perspektivlərini dəstəkləməkdir.
AzTehsil.com xəbər verir ki, bunu BDU-nun rektoru Elçin Babayev universitetdə keçirilən Karyera Festivalında çıxışı zamanı deyib.
O bildirib ki, festival əmək bazarında yeni əməkdaşlıq körpüləri yaradacaq və gənclərin iş həyatı üçün uğurlu bir başlanğıc olacaq.
Rektor diqqətə çatdırıb ki, əmək bazarının tələblərinə uyğun yeni ixtisas və ixtisaslaşmaların yaradılması BDU-nun strateji hədəflərindəndir:
"Son illər BDU-da təhsilin bakalavriatura və magistratura səviyyələrində əmək bazarının tələblərinə uyğun yeni ixtisas və ixtisaslaşmalar açılıb. Belə ki, BDU-da bakalavriatura səviyyəsində “Ekologiya mühəndisliyi” ixtisası üzrə ilk dəfə olaraq kadr hazırlığına başlanılıb. Bunlar “Korreksiyaedici təlimin metodika və metodologiyası”, "Ölkəşünaslıq (Qazaxıstan üzrə)", "Ölkəşünaslıq (Özbəkistan üzrə)", "Ərzaq məhsullarının ekspertizası və marketinqi", "Şəhər kadastrı", "Akvabitkilər", "Mədəniyyət hüququ" ixtisaslaşmalarıdır. Magistratura səviyyəsində isə 7 yeni ixtisaslaşma açılıb.Dövlət və özəl müəssisələrlə əməkdaşlıq bilavasitə tədris prosesinin, elmi-tədqiqat fəaliyyətinin səmərəli təşkilinə, eləcə də məzunların işlə təmin olunmasına xüsusi töhfə verir".
Rektor qeyd edib ki, Karyera Festivalı yeni formatda təşkil edilib. Belə ki, festivalda 6 fərqli məkanda müzakirələr keçiriləcək:
"Bu festivalda tələbələrin işəgötürənlərlə səmimi şəkildə sual verib, cavab almaq imkanı var. Məzunlarımız, tələbələrimiz bu imkandan yararlanmağı bacarmalıdırlar. "Açıq qapı" stilində keçirdiyimiz bu festivalda digər universitetlərin tələbələri, hətta işaxtaranlar da yaralana bilirlər".
