Şahin Rəcəbdən Azər Həsrətə cavab .Rəqs edən müəllim ilə bağlı.

Dostum yazini oxudum, hörmətlə yanaşıram, bununla belə bəzi qeydlərimi bölüşürəm.

Bəzən görürsən ki, biri "quyuya daş atır", millət yığışıb o daşı çıxara bilmir, kiçik bir hadisəni elə şişirdib ortalığa qoyurlar ki, kütlə başlayır "xüsusi bəhanələrlə bəzədilmiş, əlaqələndirilmiş, fəlsəfi düşüncəyə", yaxud "həqiqət axtarisina", hətta, "həmrəylik müdafiəsinə".

Qeydlərim.

1. Günah - bunu yayan müəllimənin rəfiqəsində + belə şeyləri yaymaqla reytinq axtaran saytlarda

2. Səhv müəllimənin "stres atmaq" üçün uğurlu yer (Xocalı plakati) və mahnı (məsti xumar) secməməsində + lap bu "stresi atsa" da, bunun hələ bir çəkilişini etməsində (bunun üçün əsas və məna yox idi) + hələ üstəlik bunu rəfiqəsinə göndərməsində. Pozitivlik təbliği üçün uğurlu nümunə kimi də göstərilməsi də əsassizdir, bu geniş kütləyə yayım məqsədi ilə cəkilməmisdi və məqsədi də "pozitiv yaymaq" yox, narazılığını ifadənin forması idi.

3. Məntiqsizlik

Müəllimlərin oz "cari dərdlərini" yada salib müəlliməni "müdafiə ucun süni həmrəylik" göstərməsində.

4. Əlaqəsizlik.

Müəllimənin "məsti-xumarla" rəqsini qərbin əyləncəli, uğurlu dərs modeli kimi təbliğ etmək. Bu nə dərs idi, nə də uğurlu təlim modeli. Sadəcə özü üçün rəqs idi. Bunu müasir yeniliklərin təşviqi ilə əlaqələndirmək absurddur.

5. İtirilən.

Müəllim nufuzu (süni müdafiə olunsa da) və mənəvi dəyərlər.

Müəllim milli ənənəmizdə hörmət pərdəsi ilə bürünmüş mühafizəkar etalon sayılırdı. Bunun klassik milli təhsil və mənəvi kontekstdən şagirdə spesifik təsiri vardi. Biz hər şeyi necə gəldi xaricdən kopya edib təhsilimizə tətbiq edə bilmərik. Zatən, bir çox "müasir tətbiqlərin" ailə ənənələrinə hansı "yenilikləri" gətirdiyini boşanmaların sayı ilə asan müəyyən etmək olar. Bu gün isə müəllim bu "möhtəşəm" rəqslə gündəmə çevrilir. Deyəsən, təhsildə çox "inkişaf edirik".

6. Müdafiəyə ehtiyacı duyulan həmrəylik.

Bu gün müəllimlərin biri-birini müdafiə edəcək çox ciddi məsələlər var. Əmək, sosial hüquqlarından tutmuş, tədris şəraitinədək. Amma, müdafiə həmrəyliyi baxırsan son zamanlar ya "uşaq zorakılığı", yada müəllimin fərd olaraq diqqətsizliyi ilə yaranan məsələlərdə daha çox özünü gostərir. Müəllimi "müəllimdir deyə" hər məsələdə müdafiə etmək də iş deyil. Sadəcə, müəllimin işindən də biri diqqətli olmadir.

Məqalə Göndər