Müasir dövrdə müəllim-valideyn münasibəti

Təhsil islahatı dövlətin təhsil siyasətinin bir istiqamətidir. Cəmiyyətin mariflənməsi məsələsi də məktəbin və müəllimin fəalliyyətinin tərkib hissəsi və icra edəcəyi vacib işlərdən biri olmalıdır.

Respublikamızda fənn kurikulumlarının tətbiqi müəllim və şagirdlər üçün yeni və fərqlidirsə, valideynlər üçün də bir o qədər maraqlıdlr. Bu baxımdan məktəb və müəllimlə əməkdaşlıq onlara arzularını gerçəkləşdirməkdə yardım etmiş olur.Yeni yanaşma,yeni istiqamət və fərqli qiymətləndirmə sistemi bəzi valideynlər tərəfindən birmənalı qarşılanmır. Müasir dərsin təşkili məsələlərinə müxtəlif münasibətlər nümayiş etdirirlər.

Təhsilin tələblərindən biri cəmiyyət üçün vətəndaş yetişdirməkdir. Bu baxımdan cəmiyyətin tələblərinə cavab verə biləcək vətəndaşın təkcə təhsili deyil, həm də düzgün tərbiyəsi müəllimin ümdə vəzifələrindən, məsuliyyətli işinin bir hissəsidir. Müəllim-valideyn münasibətlərini doğru istiqamətə yönəltməkdə də müəllimin peşəkarlığının göstəricisidir.

Bəzən müəllimlər valideynlərin məktəbə gəlməsindən şikayətlənirlər, bunun bir neçə səbəbi var.

Öz işini düzgün qura bilməyən müəllim: müəllim-valideyn münasibətləri,yorucu iclaslar, yığıncaqlar, təlim-tərbiyədə bir probleminin olduğundan məlumatlılıq hər dəfə eyni valideyni yorur. Bununla valideyni xəbərdar edən müəllim münasibətlərinin nə dərəcədə pozulduğunu bilmir. Bu sadəcə valideynə olan münasibətə təsir etmir, evdə danlanan və tənbeh olunan şagirdlə müəllimin münasibətinə və müvafiq olaraq onun məktəbə və təhsilə olan marağına da mənfi təsir edir.Bütün bunlar səhv idarəçiliyin, düzgün qurulmayan münasibətlərin nəticəsidir. Müasir müəllim ailə ilə məktəb arasında vahid tərbiyəvi mühüt yaratmağı bacarmalıdır. Dünya təcrübəsi göstərir ki, müəllim təlimi uğurlu təşkil etmək üçün hər görüşdə valideynlərin rəyini öyrənməlidir. Bu məlumat bazası isə təlimin keyfiyyətinin yüksəlməsinə xidmət edər. "Valideynlərdən sinif fəalliyyəti və müxtəlif layihələr çərçivəsində bir-biri ilə əməkdaşlıq etməyi xahiş edin. Valideyinlər arasında əlaqələri genişləndirin. Görüş zamanı onlara ən gözəl xəbərləri verin, sadəcə problemlərdən danışmayın. Valideynləri təltifetmə sisteminiz olsun.

Aparılan müşahidələrdən belə nəticəyə gəlmək olar ki,bu gün təhsilin məzmununda, onun təşkili məsələlərində və nəhayət, qiymətləndirmə sistemində baş verən dəyişikliklərlə bağlı valideyni maarifləndirməyi, onunla düzgün münasibət qurmağı bacaran müasir müəllim, əslində, öz işinin uğrunu təmin etmiş olur. Bununla o, valideyni məharətlə tənqidçidən müttəfiqə çevirir, onun təcrübəsindən, dünyagörüşündən və bacarığından təlimdə müvəffəqiyyət əldə etmək üçün bəhrələnir.

Xanım Dadaşova,

Milli Konservatoriya tərkibində Respublika İncəsənət Gimnaziyasının sinif müəllimi