Sertifikatlaşdırmadan keçən müəllimlər tədris prosesində daha üstün səriştə və bacarıq sərgiləyirlər
2018-ci ildən etibarən təhsil qanunvericiliyinə “sertifikatlaşdırma” anlayışı daxil edilib. Bu alətin məqsədi müəllimlərin fasiləsiz inkişafının təmin olunması üçün onların peşəkarlıq səviyyəsinin qiymətləndirilməsi və ehtiyaclarının müəyyən edilməsidir.
Təbii ki, sertifikatlaşdırmadan keçən müəllimlər tədris prosesində daha üstün səriştə və bacarıq sərgiləyirlər. Nəticədə onlar tədris sahəsində mövcud olan yeni müsbət təcrübələri mənimsəyir, öz ehtiyaclarına uyğun olaraq, peşə bilikləri və bacarıqlarını artırmaq imkanlarından faydalanırlar.
Bu isə təhsilverənlər arasında özünüinkişafı stimullaşdıran münbit mühit yaradır. Bütün bu faktorlar tədrisin keyfiyyətini artırır və şagird nəticələrinin yaxşılaşmasına səbəb olur.
Eyni zamanda, sertifikatlaşdırmadan keçmiş müəllimlərə valideynlər daha çox inam bəsləyirlər. Təcrübə və müşahidələr göstərir ki, şagirdlərin məktəbə qəbulu prosesində valideynlər seçim zamanı qiymətləndirmə nəticəsi yüksək olan müəllimlərə üstünlük verirlər. Sertifikatlaşma həm də yaxşı müəllim olmanın təsdiqidir.
Bu imtahan nəticəsində müəllimlərin peşəkarlıq səviyyəsi yoxlanılarkən onların təlim ehtiyacları müəyyən edilir. Həmçinin, müəllim peşəkarlığının başlanğıc səviyyəsi müəyyən edilməklə sertifikatlaşdırma nəticələri əsasında müəllimlərin peşə standartlarının səviyyələri təsbit olunub.
İlkin nəticələrə əsasən, hazırlanmış ixtisasartırma proqramı üzrə üç min nəfərə yaxın təhsilverən təlimlərə cəlb olunub.
Qeyd edək ki, Azərbaycanda “2022-26-cı illərdə sosial-iqtisadi inkişaf Strategiyası”nın strateji hədəflərindən biri müəllimlərin sertifikasiya prosesinə cəlb edilməsidir ki, ötən il 11 mindən çox müəllim sertifikatlaşdırma imtahanından keçib.
Onlardan 80 faizi (8 843 nəfər) keçid balını toplayıb. Sertifikatlaşdırmadan keçmiş 3 163 müəllim vəzifə maaşına 35 faiz əlavə, 5 624 müəllim isə 10 faiz əlavə alıb.
Xatırladaq ki, müəllimlərin işə qəbulu imtahanı ilə əmək fəaliyyətinə başlayanların hamısı sertifikatlaşdırmada uğur qazanıb. Bu bir daha müəllimlərin işə qəbulu prosesinin təhsil sistemimiz üçün uğurlu yanaşma olduğunu göstərir.
Eyni zamanda, müəllimlərin sertifikatlaşdırma nəticələrinin gələcəkdə məktəb direktoru və müavini seçimində, o cümlədən qeyri-maddi rəğbətləndirilmə prosesində istifadə olunması nəzərdə tutulur.
AZƏRBAYCAN RESPUBLİKASININ ÜMUMTƏHSİL SİSTEMİNDƏ QİYMƏTLƏNDİRMƏ KONSEPSİYASI
OXUYUN ! Sertifikasiya Qaydalarl təsdiq olundu
Sertifikasiya Qaydaları
Ənənəvi və interaktiv təlim metodlarının müqayisəli təhlili
Azərbaycan Respublikasında təhsilin inkişafı üzrə Dövlət Strategiyası
Metodbirləşmələr
“Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası” 2017
Sertifikasiya: müəllimlərin sınağı, yoxsa “sınmağı”? - RƏYLƏR
Təhsilin inkişaf strategiyası: nailiyyətlər və əsas hədəflər - Nazir YAZDI
Məktəb direktoru necə olmalıdır? - Beynəlxalq təcrübə...
Kadr hazırlığı ölkəmizin sənaye, iqtisadi inkişafına uyğun aparılacaq
Təhsil islahatı metodik kabinetlərin işinin təkmilləşdirilməsini tələb edir I I hissə Metodbirləşmələr
Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi
ÜMUMİ TƏHSİL MÜƏSSİSƏLƏRİNİN MÜƏLLİMLƏRİ ÜÇÜN İXTİSASARTIRMA TƏHSİLİNİN KURİKULUM ÇƏRÇİVƏSİ
Pedaqoji Lüğət
QƏRAR № 103 "Ümumi təhsil pilləsinin dövlət standartı və proqramları (kurikulumları)"nın təsdiq edilməsi haqqında
"Təhsildə yeni keyfiyyət mərhələsi başlayır" Azərbaycan Respublikasının Təhsil Naziri Mikayıl Cabbarovun “Azərbaycan” qəzetinə müsahibəsi
Valideynləri təhsil prosesinə cəlb etmək üçün intensiv işlər görülür
Səriştələrin tanınması peşə təhsilinə yanaşmanı dəyişəcək
Uğurlu təhsil islahatlarının banisi
Sanitariya-epidemioloji salamatlıq haqqında Azərbaycan Respublikasinin Qanunu
Sağlamlıq imkanları məhdud şəxslərin təhsili (xüsusi təhsil) HAQQINDA
Ümumtəhsil məktəbinin direktorunun əmək funksiyaları, hüquq və vəzifələri
Təkrar sertifikatlaşdırmada iştirak etməyən şəxslər sertifikatlaşdırmadan keçməmiş hesab olunurlar!?