Bakı Dövlət Universitetindən 1 milyonluq sifariş
Bakı Dövlət Universitetinin tədris laboratoriyaları üçün xüsusi inventar, iş dəzgahları və mal-materialların satın alınması məqsədilə keçirilən tenderin qalibi "Tikinti-Təmir-Təchizat-Bərpa" QSC olub.
AzTehsil.com xəbər verir ki, tenderin məbləği 1 milyon 32 min 208.07 manat təşkil edib.
Tender çərçivəsində Bakı Dövlət Universiteti üçün 610 m² asma tavan, 620 m² keramoqranit, 15 ədəd parakontakt, 380 ədəd astar alçı, 120 ədəd üzlük alçı və 10 ədəd 20 kq-lıq mata qarışdırıcı alınacaq.
Qeyd edək ki, dövlət qurumlarının keçirdiyi tenderlərdə tez-tez qalib olan "Tikinti-Təmir-Təchizat-Bərpa" QSC 2015-ci il martın 18-də dövlət qeydiyyatına alınıb. Nizamnamə kapitalı 2 min 50 manatdır. Hüquqi ünvanı General Səmədbəy Mehmandarov küçəsi, ev 98, mənzil 47, qanuni təmsilçisi isə Elçin İslam oğlu Əbilovdur.
