"Bu şəxslər Azərbaycan dili üzrə sertifikasiyadan keçsin"
AzTehsil.com xəbər verir ki, bunu Milli Məclisin sədr müavini Rafael Hüseynov bu gün Milli Məclisdə “Azərbaycan dilinin dövlət dili kimi inkişaf strategiyası: Mövcud vəziyyət və perspektivlər” mövzusuna həsr edilən konfransda deyib.
Sədr müavini xarici ölkələrdə təhsil alan Azərbaycan vətəndaşlarına diqqət çəkib:
"Xarici ölkələrdə təhsil alıb qayıdan tələbələrimiz var. Əksəriyyəti savadlı kadrlardır. Lakin onlar Azərbaycan dilini də mükəmməl səviyyədə bilməlidirlər. Danışıq səviyyəsində dili hamı bilir. Vəzifə tutan şəxslər danışıq səviyyəsində yox, təkmil şəkildə Azərbaycan dilini bilməlidir".
Millət vəkili təklif edib ki, Elm və Təhsil Nazirliyində xaricdə təhsil almış Azərbaycan vətəndaşlarının sertifikarlaşıdırlması üçün ekspertiza yaradılsın.
Sədr müavini orta məktəblər üçün olan dərsliklərdən də danışıb. O vurğulayıb ki, bunlar kitab deyil, sənəddir:
"Oradakı mətnin içində belə öyrədicilik olmalı, dil sevdirilməlidir. Dili qorumaq istiqamətində dərslik siyasətinə xüsusi diqqət edilməlidir".
