Bunu qabartmaq o qədər də lazım deyil, çünki sistem belə qurulub-MİQ-də müsahibə!
Nadir İsrafilov: “ Təhsil sistemində bu kimi müsabiqələri aparan şəxslər çox zaman ayrı-ayrı ixtisas sahibi olurlar. Bu, danılmaz faktır”
Xəbər verdiyimiz kimi, dünəndən etibarən müəllimlərin işə qəbulu (MİQ) üzrə müsabiqənin vakansiya seçimi mərhələsində uğur qazanmış namizədlər üçün müsahibə mərhələsinə start verilib. Müsahibələrdə namizədlərin peşəkar kompetensiyaları, psixoloji hazırlığı və ümumi dünyagörüşü müvafiq komissiya tərəfindən yoxlanılır.
Bu mərhələdə iştirak edən müəllimlərin bəziləri onlara verilən sualların olduqca çətin, mənasız olduğu ilə bağlı fikirlər irəli sürür. Bəziləri isə ümumilikdə sualların düzgün tərtib olunmadığını iddia edir.
Həmçinin, komissiya üzvlərinin təhsillə bağlılığının olmadığını iddia edənlər də var.
Bəs bu iddialar nə dərəcə əsaslıdır?
Mövzu ilə bağlı AzEdu.az-a açıqlama verən təhsil məsələləri ilə mütəxəssis Nadir İsrafilov vurğulayıb ki, təhsil sistemində bu kimi müsabiqələri aparan şəxslər çox zaman ayrı-ayrı ixtisas sahibi olurlar:
“Bu, danılmaz faktır. Yəni bunu qabartmaq o qədər də lazım deyil, çünki sistem belə qurulub. Müsahibəni keçirənlərin hansı ixtisas sahibi olması o qədər də önəmsənilməməlidir. Çünki suallar öncədən hazırlanır. Bu sualların tərtib olunması üçün də müəyyən mütəxəssislər cəlb olunur. Amma deyə bilmərik ki, onların da peşəkarlıq səviyyəsi kifayət qədərdir.
Ona görə də mövcud sualların tərtibatında narazılıqlar, uyğunsuzluqlar olması hallarına rast gəlirik. Suallarda qəlizliyin anlaşılmazlıqların olması, artıq bizi təəccübləndirmir. Bu, təkcə Elm və Təhsil Nazirliyinin keçirdiyi müsabiqələrdə deyil, Dövlət İmtahan Mərkəzinin (DİM) təşkil etdiyi imtahanlarda da belədir.
Sözügedən narazılıqlar hər zaman ictimailəşir. Burada müsbət tərəflərdən biri odur ki, istər DİM-də, istərsə də nazirlikdə xüsusi olaraq, Apellyasiya Komissiyası fəaliyyət göstərir. Nəzərə almalıyıq ki, sualı tərtib edən də insandır. Bu kimi hallar ola bilər”.
Ekspert qeyd edib ki, imtahanlarda səhv olduğu zaman istər nazirlik, istərsə də DİM bunu etiraf edir:
“Müşahidələrim onu göstərir ki, imtahanlarda müəllimlərə və yaxud abituriyentə verilən suallarda hər hansı bir uyğunsuzluq varsa, onlar apellyasiyaya şikayət verə bilər. Mütləq şəkildə onların şikayətlərinə baxılır və nəzərə alınır. Səhv aşkarlananda bu, hər zaman etiraf edilib və düzəldilib”.
Ekspert onu da qeyd edib ki, müəllimlərin “səhvdir” dediyi sualların çoxu məntiqə aiddir:
“İnsanların məntiq anlayışı da fərqli ola bilər. Həmçinin bu sahə orta məktəblərdə tədris olunmur. Birdən-birə müxtəlif imtahanlara bu istiqamətdən suallar salmaq düzgün deyil. Biz nə vermişiksə, onu da tələb etməliyik. Baxmayaraq ki, müstəqilliyimizdən 30 il keçib, təhsilimiz hələ də keçid dövrünü yaşayır. Hansısa ölkənin tətbiq etdiyi qaydaları, biz də etməyə çalışırıq. Bu əslində müsbət haldır, lakin sözügedən yenilikləri təkmilləşdirmək lazımdır”.
“Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası” 2017
Bakı təhsili: təqvim ilinin təhsil mənzərəsi
Paytaxt təhsili 2021-ci təqvim ilində
Müəllimlərin İşə Qəbulu Qaydaları 2018
2017-2018 Ümumi təhsil müəssisələrində müəllimlərə tələbatın müəyyənləşdirilməsi, pedaqoji kadrların işə qəbulu və yerdəyişməsi QAYDALARI
Pedaqoji Lüğət
Müəllimlərin İŞƏ Qəbulu və Yerdəyişmə Qaydaları ƏMR № 165
Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi
Pedaqoji kadrların yerdəyişməsi və işə qəbulu QAYDALARI
Görülən tədbirlərin nəticəsi həm kəmiyyətdə, həm də keyfiyyətdə özünü göstərib
Sual:Evdə təhsil necə təşkil olunur?
Sağlamlıq imkanları məhdud şəxslərin təhsili (xüsusi təhsil) haqqında AZƏRBAYCAN RESPUBLİKASININ QANUNU
Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib
İxtisas seçimi zamanı nələrə diqqət edilməlidir?-Mütəxəssislərin tövsiyələri.
2020-2021-ci tədris ili üçün ümumi təhsil müəssisələrinin I sinfinə şagird qəbulunun elektron sistem vasitəsilə həyata keçirilməsinə dair SUAL-CAVAB
Məktəb həkiminin işi haqqında təlimat
Təhsildə keyfiyyət müəllimdən başlayır
2020-2021-ci dərs ili üçün I sinfə şagird qəbulu ilə bağlı suallar və onların cavabları
Azərbaycan Respublikasında təhsilin inkişafı üzrə Dövlət Strategiyası
Ümumtəhsil məktəblərində dərs cədvəlinin tərtibinə verilən tələblər
Məktəb idarəediciləri OXUYUN !!! - Ümumtəhsil məktəblərində dərs cədvəlinin tərtibinə verilən tələblər
Testin müsbət tərəfləri deyil, mənfi tərəfləri daha çox hallandırılır-Etirazlar
Təhsil müəssələrində PSİXOLİJİ XİDMƏT haqqında Qaydalar təsdiq olundu
MİQ-də aşağı bal toplayan müəllim namizədlərə zəruri tövsiyə -“Vakansiya zamanı bunu etməyin”