“Dərslər 1 sentyabrda başlasın, 14 iyunda bitsin”-Elşən Qafarov
“Tədris ilinin müddətinin 36 həftəyə çatdırılması, bu məsələnin beynəlxaq təcrübəyə uyğunlaşdırılması qaçılmazdır”.
Bunu təhsil eksperti Elşən Qafarov sosial şəbəkədəki hesabında bildirib.
Ekspertin fikrincə, tədris ilinin 1 sentyabrdan başlayaraq 14 iyunda bitməsi ən optimal variantdır:
Bir daha tədris ilinin müddəti barədə …
1. Tədris ilinin müddətinin 36 həftəyə çatdırılması , bu məsələnin beynəlxaq təcrübəyə uyğunlaşdırılması qaçılmazdır.
2. Tədris ili 1 sentyabrdan başlayaraq 14 iyunda bitməsi ən optimal variantdır. Bu zaman Aktiv dərs məşğələləri 1 sentyabrdan başlayaraq 31 mayda bitməsi, 1-14 iyunda isə BSQ-lər və buraxılış imtahanlarının keçirilməsi daha məqsədə uyğun olardı.
3. Şagirdlərin 77 günlük ( 15 iyun – 31 avqust) yay tətilinin ən azı 21 gününü yay düşərgələrində keçirilməsi üçün tədbirlər görmək mümkündür.
Bunun üçün dağlıq və dağətəyi rayonlarda həmçinin dənizə yaxın ərazidə yerləşən məktəblərin infrastrukturundan və yeni tikilməli olan yay düşərgələrindən istafadə oluna bilər.
