İlham Əhmədov: Əvvəlcə universitetlərimizi universitet edək, sonra hara istəsəniz köçürək.
Mətbuatda tez-tez belə təkliflər səslənir: "universitetlər Bakıdan əyalətlərə köçürülsün". Amma heç kəs demir ki, "gəlin universitetlərimizi universitet edək." Paytaxtda inkişaf edə bilməyən universitetlər, əyalətdə inkişaf edə bilərmi?
Belə “unikal” təkliflər təxminən 12 il əvvəl də tez- tez səslənirdi. Həmən illərdə bu məsələ müzakirə edilərkən, tədbirlərin birində bildirdim ki, “gəlin əvvəlcə universitetlərimizi universitet edək, sonra hara istəsəniz köçürək.”
Təbii ki, belə fikirlərin səslənməsi o illlərdə də TN-nin xoşuna gəlmirdi. Həqiqətən də dünya universitetlərinin reytinq cədvəllərində son pillələrdə yer tutan universitetlərimizi, 50-100 milyon vəsait xərcləyib əyalətə daşımağın nə mənası? Halbuki, universitetlərimizin inkişafdan geri qalmasının əsas səbəbi 30 il ərzində onlara investisiyaların olmaması idi.
Bu addım qəzalı halda olan binanın çox baha qiymətə şəhərin bir yerindən yerinə daşınmasına bənzəyir, halbuki, bu pula qəzalı kökündən binanı söküb, 10 dənə belə yeni bina tikmək olardı. Belə “unikal” ideyanın icrası nəticəsində universitetlər tezliklə əyalətlərdə olan filialların səviyyəsinə enəcək.
Bu təklifi verənlər bilməlidirlər ki, bir universitetin əyalətə köürülməsi üçün ən azı 80 -100 milyon manat xərclənməlidir. 12 il əvvəl belə çağırışlar olanda nazirlik rəsmiləri deyirdilər ki, bir universitet üçün şəhər kənarında yeni kampusun tikilməsinə 100-150 milyon manat lazımdır (150-200 milyon $), bu gün bu rəqəmin daha da artmış ehtimal edilir. Halbuki, heç bir universitetimizin inkişafına son 30 il ərzində bu məbləğin heç 10 % qədər investisiya qoyulmayıb. Bu gün də gündəmdə belə layihələr yoxdur.
Tədqiqat Universitetlərini də beləcə, pulsuz – parasız “qurmaq” istəyirlər. Heç bir investisiya qoyulmayan, belə arxaik "universitetləri" hara evakuasiya etsək də, ondan müasir universitet ola bilməz. Bəlkə universitetlərin evakuasiyasına xərclənən pulları elə universitetlərimizin inkişafına yönəldək. Təyinatı üzrə xərcləncə, bizdə də tədricən müasir universitetlər yarana bilər.
Bizə nə lazımdır? Müasir universitetlər qurmaq, yoxsa şəhərdə yer boşaltmaq?
Digər tərəfdən bu gün virtual təhsilin inkişafı dövründə bu nə kampus sevdasıdır belə? Hələ 10-15 il əvvəl dünyada virtual universitetlər var idi ki, heç bir kampusu yox idi, amma 100 minlərlə tələbəsi var idi, əksəriyyəti də xarici ölkələrdən olan tələbələr. Virtual Universitetlər bu günün, sabahın, gələcəyin universitetləridir. Biz isə dünənin universiuitetini qurmaq üçün 100 milyonlar sərf etməyi təklif edirik.
Universitetlərimizi müasir elm-təhsil mərkəzi edə bilsək, onun hansı məkanda yerləşməsinin heç bir əhəmiyyəti olmayacaq. Bunun mümkün yollarından bəzilərini hələ 15 il əvvəldən öz məqalələrimizdə təklif etmişik. Mövzunun aktuallığını nəzərə alaraq, həmən məqaləni bu yaxınlarda təkrarən nəşr etdik: “Təhsildə qlobal rəqabəti artır. Buna hazırıqmı?"
İlham Əhmədov: "Hər bir ölkənin gələcəyi o ölkə insanlarının alacağı təhsilə bağlıdır"
Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib
"Distant təhsili olmayan universitetin beynəlxalq nüfuzu ola bilməz"-Dosent İlham Əhmədov
Prezident Bakıda Hərbi Qənimətlər Parkının açılışında iştirak edib
Təhsil mürəkkəb dinamik sistemdir
Fazil Mustafadan maraqlı açıqlamalar: Təhsil siyasətini dəyişib, təhsili ideologiyadan azad etmək lazımdır.
Distant təhsilə doğru ilk addımlar
Universitetlərimizin reytinq böhranı-Dosent İlham Əhmədov
Təhsildə keyfiyyət və inkişaf problemləri İlham Əhmədov
“Universitetlərin 3 missiyası” QLOBAL reytinq sıralaması
Təhsilin inkişaf strategiyası: nailiyyətlər və əsas hədəflər - Nazir YAZDI
Hər kəsin oxumalı olduğu dünyaca məşhur kitablar - SİYAHI 25 kitab
Məleykə Abbaszadə vakant iş yerlərinin boş qalmasının səbəblərini açıqlayıb
Təhsilsizlik səbəbindən davamlı torpaqlar itiririk
Paytaxt təhsili 2021-ci təqvim ilində
Misir MƏRDANOV: Böyük rəhbərin həyat dərsləri
Bakı təhsili: təqvim ilinin təhsil mənzərəsi
BDU-nun professoru: “Quran Məhəmməd peyğəmbərin öz zəkasının məhsuludur”
Uğurlu təhsil islahatlarının banisi
Qubada məktəb binası qəzalı vəziyyətə düşüb
İlham Əliyev: “Koronavirusun nə vaxta qədər yayılacağını heç kəs bilmir”
Görülən tədbirlərin nəticəsi həm kəmiyyətdə, həm də keyfiyyətdə özünü göstərib
"Bizdə bu məsələ bir neçə dəfə gündəmə gəlsə də, hələ də həllini tapmayıb”
Valideynləri təhsil prosesinə cəlb etmək üçün intensiv işlər görülür