Abşeron-Xızı RTİ-dən məktəbdə şagird ölümü ilə bağlı AÇIQLAMA
Dünən Masazır kəndi Əliağa Vahid adına 1 nömrəli tam orta ümumtəhsil məktəbində 1-ci sinif şagirdi dünyasını dəyişib
AzTehsil.com xəbər verir ki, məsələ ilə bağlı Abşeron- Xızı Regional Təhsil İdarəsindən verilən məlumata əsasən, məktəbli saat 11:30 radələrində dərsdən çıxıb evə gedərkən təhsil müəssisəsinin həyətində qəfil halı pisləşib:
“Məsələ ilə bağlı dərhal Təcili Tibbi Yardım Xidmətinə məlumat verilib. Şagird qohumu tərəfindən tibb müəssisəsinə aparılıb. Bir müddət sonra şagirdin vəfat etməsi ilə bağlı məlumat yayılıb.
Hazırda ölüm faktının səbəbi müvafiq qurumlar tərəfindən araşdırılır.
Şagirdimizin vəfatı ilə bağlı dərin təəssüf hissimizi bildirir, ailəsinə və yaxınlarına başsağlığı veririk. Araşdırma prosesi davam edir”.
(Mənbə: Azərbaycan müəllimi)
