DİM tərəfindən növbəti imtahanlar keçirilib
Bu gün Dövlət İmtahan Mərkəzi tərəfindən tədris Azərbaycan dilindən fərqli dillərdə aparılan ümumi təhsil müəssisələrinin cari ilin 9-cu və 11-ci sinif şagirdləri, həmçinin ali və orta ixtisas təhsili müəssisələrinə qəbul imtahanını Azərbaycan dilindən fərqli dildə verən əvvəlki illərin məzunları üçün Azərbaycan dili (dövlət dili kimi) fənni üzrə test imtahanı keçirilib.
Bu barədə DİM-dən məlumat verilib.
İmtahan ümumilikdə 21 şəhər və rayonda, 95 binada təşkil olunub. İmtahanda xüsusi təyinatlı təhsil müəssisələrinin – cəzaçəkmə müəssisələrində yerləşən məktəblərin, internat məktəblərinin şagirdləri də iştirak ediblər.
İmtahanda 13 nəfər fiziki məhdudiyyətli (gözdən əlil, eşitmə əngəlli və digər) şagird iştirak edib. Onların rahat şəkildə imtahan verməsi üçün imtahan binalarında ayrıca zallar ayrılıb, gözdən əlillər üçün tapşırıqların oxunması, cavab vərəqinin doldurulması və s. işlər üçün fərdi nəzarətçilər təyin edilib.
İmtahan bütün binalarda eyni vaxtda – saat 11:00-da başlayıb və 1 saat 30 dəqiqə davam edib.
Cari il imtahan iştirakçılarının toplaya biləcəkləri maksimum bal 100 baldır. Bu imtahanın nəticəsi şagirdin yekun attestasiya sənədinə yazılacaq.
Ali və ya orta ixtisas təhsili müəssisələrinə qəbul olmaq üçün isə abituriyentlərin balı 50 və daha yuxarı olduqda “məqbul” qiymət almış hesab olunurlar.
Ali və orta ixtisas təhsili müəssisələrinə qəbul imtahanını Azərbaycan dilindən fərqli dildə verən əvvəlki illərin məzunları imtahanda 30 bal toplaya bilərlər. Abituriyentin “məqbul” alması üçün onun topladığı bal 15-dən az olmamalıdır.
Bu gündən başlayaraq DİM-də imtahan materiallarının emalı aparılacaq. Yazılı cavab tələb edən tapşırıqların yoxlanılması vaxt tələb etdiyi üçün nəticələrin 3 həftə ərzində elan edilməsi nəzərdə tutulur.
19 mindən çox şagird buraxılış imtahanı verdi: Cavablar üç həftə sonra çıxacaq
Bugünkü qəbul imtahanında fiziki məhdudiyyətli 18 abituriyent iştirak edir
Fiziki məhdudiyyətli şagirdlərin rahat şəkildə imtahan verməsi üçün xüsusi zallar ayrılıb
Buraxılış imtahanlarının cavabları bu tarixdə açıqlanacaq.
Buraxılış imtahanı verən şagirddən “ağıllı” saat aşkarlanıb
DİM tərəfindən növbəti imtahanlar keçirilib
IX sinif şagirdlərinin buraxılış imtahan başa çatıb
IX sinif şagirdləri buraxılış imtahanı verib, 1 nəfərdə mobil telefon aşkarlanıb
Bu gün 9000-dən çox şəxs imtahan verəcək
Bu həftə keçiriləcək buraxılış imtahanlarında fiziki məhdudiyyətli 6 şagird iştirak edəcək
Bir nəfər başqasının yerinə imtahana girmək istəyib
Bu gün ümumi (9 illik) orta təhsil səviyyəsi üzrə növbəti buraxılış imtahanları keçirilib
Bu gün universitetlərə qəbul imtahanı keçiriləcək
DİM 1 nəfəri bugünkü buraxılış (qəbul) imtahanlarına buraxmadı
21 minə yaxın şagird Azərbaycan dili fənnindən imtahan verəcək
Bu gün 11-ci siniflər üçün buraxılış imtahanları keçirilir
Azərbaycan dili fənni üzrə imtahanın keçirilməsi qaydaları
Bu gün növbəti buraxılış imtahanları keçiriləcək
Dörd şagird buraxılış imtahanından qovuldu - SƏBƏB
Bu gün III ixtisas qrupu üzrə qəbul imtahanı keçiriləcək
DİM: 6 mindən çox abituriyent Azərbaycan dili imtahanlarında iştirak edəcək
Dövlət İmtahan Mərkəzi tərəfindən ümumi (9 illik) və tam (11illik) orta təhsil səviyyəsi üzrə buraxılış (qəbul) imtahanlarının keçirilməsinə başlanılır
II ixtisas qrupu üzrə qəbul imtahanı keçirilir
Magistraturaya, rezidenturaya qəbul imtahanlarının I mərhələsi və Azərbaycan dili imtahanları keçirilib