DİM tərəfindən növbəti imtahanlar keçirilib
Dövlət İmtahan Mərkəzi (DİM) tərəfindən bu gün növbəti imtahanlar keçirilib.
Bu barədə Dövlət İmtahan Mərkəzi məlumat yayıb.
Bildirilib ki, imtahanlar Bakı, Şəki, Lənkəran, Gəncə, Sumqayıt, Mingəçevir, Şirvan şəhərlərində, Abşeron, Qazax, Şəmkir, Bərdə, Sabirabad, Göyçay, Kürdəmir, Salyan, Cəlilabad, Xaçmaz rayonlarında və Naxçıvan MR-də təşkil olunub.
İmtahanların idarə olunmasına 109 ümumi imtahan rəhbəri, 318 imtahan rəhbəri, 2 498 nəzarətçi-müəllim, 240 buraxılış rejimi əməkdaşı və 109 bina nümayəndəsi ayrılıb.
Mərkəz tərəfindən pandemiya şəraitinin tələblərinə əsasən, iştirakçıların yalnız tibbi maska ilə imtahan binasına daxil olmasına icazə verilib. İmtahan heyəti müvafiq qoruyucu vasitələrlə (əlcək, üz sipəri, tibbi maska və s.) təmin olunub.
İmtahanlarda 26 087 nəfərin iştirakı nəzərdə tutulurdu.
İmtahanlarda 48 nəfər fiziki məhdudiyyətli (I qrup gözdən əlil, eşitmə əngəlli və digər) abituriyent də iştirak edib. Bu abituriyentlərin rahat şəkildə imtahan verməsi üçün imtahan binalarında ayrıca zallar ayrılıb, gözdən əlillər üçün tapşırıqların oxunması, cavab vərəqinin doldurulması və s. işlər üçün fərdi nəzarətçilər təyin edilib. Həmçinin eşitmə əngəlli abituriyentlər üçün onların dinləmə ilə bağlı qüsurları nəzərə alınaraq xüsusi test kitabçaları hazırlanıb. Hərəkət məhdudiyyətli abituriyentlərin bina və zala daxil olması və rahat şəkildə hərəkəti üçün də xüsusi şərait yaradılıb.
Aprelin 4-dən etibarən DİM-də imtahan protokollarının və cavab vərəqlərinin emalına başlanılacaq. İmtahanlarda istifadə olunan yazılı cavab tələb edən açıq tipli tapşırıqların yoxlanılması uzun müddət tələb etdiyindən nəticələrin yaxın 3 həftə ərzində elan olunması nəzərdə tutulur.
Gələcək imtahan iştirakçılarının diqqətli olması və tələb olunan qaydalara riayət etməsi üçün bəzi məsələləri də qeyd etmək istərdik. Uzun illərin imtahan təcrübəsi göstərir ki, əvvəlki illərin məzunları üçün keçirilən imtahanlarda qaydalara riayət etməyən, nizam-intizamı pozmağa cəhd edən abituriyentlərin sayı daha çox olur. Bu gün keçirilən imtahanla bağlı operativ qərargaha daxil olan ilkin məlumatlara əsasən, 8 nəfərdə mobil telefon aşkarlandığı üçün imtahandan xaric edilib. Onlardan 3 nəfər kənardan kömək almaq məqsədilə sual kitabçasının şəklini çəkib öz yaxınlarına göndərib. İmtahanın gedişi zamanı bu hal nəzarətçilər tərəfindən aşkar olunub. Bundan əlavə, 1 nəfərin başqasının yerinə imtahana girmək cəhdi də müəyyən olunub və qarşısı alınıb.
Qeyd olunan bütün qayda pozuntuları protokollaşdırılıb və hazırda araşdırma aparılır.
Bu gün ümumi (9 illik) orta təhsil səviyyəsi üzrə növbəti buraxılış imtahanları keçirilib
Bir nəfər başqasının yerinə imtahana girmək istəyib
Bu gün III ixtisas qrupu üzrə qəbul imtahanı keçiriləcək
Bu gün 9-cu sinif buraxılış imtahanları keçirilib
Dörd şagird buraxılış imtahanından qovuldu - SƏBƏB
Sabah III ixtisas qrupu üzrə imtahanlarda 21 mindən çox abituriyent iştirak edəcək
Bu gün 9000-dən çox şəxs imtahan verəcək
2 nəfər imtahana buraxılmayıb,1 nəfər xaric edilib
DİM 1 nəfəri bugünkü buraxılış (qəbul) imtahanlarına buraxmadı
DİM 26 mindən çox abituriyent üçün qəbul imtahanı keçirəcək
Dövlət İmtahan Mərkəzi aprelin 3-də növbəti imtahanlar keçirəcək
Avqustun 11-də növbəti imtahanlar keçiriləcək
2 iyulda keçirilən imtahanlar haqqında
Bu gün 11-ci siniflər üçün buraxılış imtahanları keçirilir
Bu gün keçirilən imtahanlarda 3 nəfər imtahandan xaric olunub
DİM-də imtahan protokolları və cavab vərəqlərinin emalına başlanılıb
DİM tərəfindən keçirilən buraxılış imtahanları başa çatıb
Şagirdə kömək edən nəzarətçi imtahandan xaric olunub
Bu gün keçirilən imtahanlarda on nəfər imtahandan xaric olunub
I və IV ixtisas qrupu üzrə imtahan verəcək abituriyentlərin sayı açıqlandı
Bugünkü imtahanların nəticələri nə vaxt açıqlanacaq?
Bu gün I və IV ixtisas qrupları üzrə qəbul imtahanları keçiriləcək
Fiziki məhdudiyyətli şagirdlərin rahat şəkildə imtahan verməsi üçün xüsusi zallar ayrılıb
II ixtisas qrupu üzrə qəbul imtahanı keçirilir