11 tələbənin Prezident təqaüdü dayandırılıb - RƏSMİ
11 tələbənin Prezident təqaüdü dayandırılıb - RƏSMİ
Ötən tədris ilində Prezident təqaüdünə layiq görülmüş tələbələrdən 11 nəfərin 2025/2026-cı tədris ilinin payız semestri üzrə təqaüdünün verilməsi dayandırılıb.
AzTehsil.com xəbər verir ki, bu barədə Modern.az-ın sorğusuna cavab olaraq Bakı Ali Neft Məktəbindən (BANM) məlumat verilib.
SOCAR-ın Bakı Ali Neft Məktəbindən bildirilib ki, hazırda Bakı Ali Neft Məktəbində ümumilikdə 90 tələbə Prezident təqaüdünü almaqdadır.
Əlavə olaraq qeyd edilib ki, Prezident təqaüdünün verilməsi və ya dayandırılması tələbələrin hər semestr üzrə akademik göstəricilərinə əsasən müəyyən olunur.
BANM-dan verilən məlumata görə, müvafiq göstəriciləri növbəti semestrdə yaxşılaşdıran tələbələr üçün təqaüdün bərpası nəzərdə tutulur.
Azərbaycan ali təhsil müəssisələrinin tələbələri üçün Prezident təqaüdünün məbləği 2025-ci il sentyabrın 1-dən 350 manat müəyyən edilib.
