Xəbərlər / Abituriyent
31 mart 2022
1 193


Dövlət İmtahan Mərkəzi aprelin 3-də növbəti imtahanlar keçirəcək


İmtahanlarda 26 mindən çox abituriyentin (şagirdin) iştirakı nəzərdə tutulur.


DİM-dən  bildirilib ki, Dövlət İmtahan Mərkəzi tərəfindən 2022-ci il aprelin 3-də :

1. Əvvəlki illərin məzunları üçün qəbul imtahanının I mərhələsi, V ixtisas qrupu üzrə ali təhsil müəssisələrinə və 11 illik təhsil bazasında kolleclərə qəbul imtahanı;

2. Müsabiqədə buraxılış imtahanında verdiyi xarici dildən fərqli dil üzrə iştirak etmək istəyən cari ilin məzunları üçün əlavə xarici dil imtahanı;

3. Qəbul imtahanını buraxılış imtahanında verdiyi dildən fərqli dil üzrə vermək istəyən cari ilin məzunları üçün əlavə tədris dili imtahanı;

4. Mart ayında keçirilmiş buraxılış imtahanlarında müxtəlif səbəblərdən iştirak edə bilməmiş və barəsində Mərkəzə müraciət edilmiş cari ilin XI sinif şagirdləri üçün buraxılış imtahanı;

5. Eksternat qaydasında XI sinif üzrə yekun attestasiyada iştirak etmək istəyən şəxslər üçün buraxılış imtahanı;

6. Buraxılış imtahanlarında müxtəlif səbəblərdən iştirak edə bilməmiş və barəsində Mərkəzə müraciət edilmiş əvvəlki illərin XI sinif məzunları üçün buraxılış imtahanı keçiriləcək.

İmtahanlar Bakı, Şəki, Lənkəran, Gəncə, Sumqayıt, Mingəçevir, Şirvan şəhərlərində, Abşeron, Qazax, Şəmkir, Bərdə, Sabirabad, Göyçay, Kürdəmir, Salyan, Cəlilabad, Xaçmaz rayonlarında və Naxçıvan MR-də keçiriləcək.

Bu imtahanlarda iştirak edəcək şəxslər “İmtahana buraxılış vərəqəsi”ni DİM-in saytından çap edib götürə bilərlər. Buraxılış vərəqəsi ilə yanaşı onlara “Yaddaş kitabçası” da təqdim olunur. Burada iştirakçılara imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.

İmtahanlar saat 11:00-da başlanır.

İmtahanların başlanmasına 15 dəqiqə qalmış – saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.

Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunur.

İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün proses (buraxılış rejimi, imtahan müddəti, imtahan binasının tərk edilməsi) boyu istifadə olunmalıdır.

Abituriyentlər (şagirdlər) imtahana aşağıdakı sənədləri gətirməlidirlər:

– İmtahana buraxılış vərəqəsi;

– Sağlamlıq haqqında bəyannamə (buraxılış vərəqi ilə birlikdə çap edirsiniz və imzalayırsınız. İmtahana buraxılış vərəqəsi abituriyentin (şagirdin) özündə saxlanıldığı, sağlamlıq haqqında bəyannamə isə imtahan nəzarətçisinə təhvil verildiyi üçün hər iki sənəd ayrıca vərəqdə çap olunmalıdır);

– Şəxsiyyəti təsdiq edən sənədin əsli:

a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

– Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).

İmtahanda 26087 (Bakıda 8396, Naxçıvanda 1508, Gəncədə 1871, Şəmkirdə 529, Qazaxda 710, Sumqayıtda 1145, Abşeronda 991, Mingəçevirdə 1083, Şəkidə 1265, Bərdədə 1513, Göyçayda 615, Kürdəmirdə 622, Şirvanda 677, Sabirabadda 838, Salyanda 854, Lənkəranda 1420, Cəlilabadda 555, Xaçmazda 1495) nəfərin iştirakı nəzərdə tutulur.

İmtahanlarda 48 nəfər fiziki məhdudiyyətli (I qrup gözdən əlil, eşitmə əngəlli və digər) abituriyent də iştirak edəcək. Bu abituriyentlərin rahat şəkildə imtahan verməsi üçün imtahan binalarında xüsusi zallar ayrılıb, gözdən əlillər üçün fərdi nəzarətçilər təyin edilib.

İmtahanların idarə olunması üçün 109 ümumi imtahan rəhbəri, 318 imtahan rəhbəri, 2498 nəzarətçi-müəllim, 240 buraxılış rejimi əməkdaşı və 109 bina nümayəndəsi ayrılıb.

Məqalə Göndər








Загрузка...
Həmçinin oxuyun:
Kollecdə təhsil almaq istəyənlərin NƏZƏRİNƏ: Qəbul imtahanının vaxtı məlum oldu

Kollecdə təhsil almaq istəyənlərin NƏZƏRİNƏ: Qəbul imtahanının vaxtı məlum oldu

Bu gün növbəti buraxılış imtahanları keçiriləcək

Bu gün növbəti buraxılış imtahanları keçiriləcək

Üzrlü səbəbdən imtahanda iştirak edə bilməyən şagirdlər üçün buraxılış imtahanı keçiriləcək

Üzrlü səbəbdən imtahanda iştirak edə bilməyən şagirdlər üçün buraxılış imtahanı keçiriləcək

DİM tərəfindən iyulun 1-də və 2-də keçiriləcək imtahanların siyahısı açıqlanıb

DİM tərəfindən iyulun 1-də və 2-də keçiriləcək imtahanların siyahısı açıqlanıb

İyulun 1-də və 2-də DİM tərəfindən bu imtahanlar keçiriləcək-SİYAHI

İyulun 1-də və 2-də DİM tərəfindən bu imtahanlar keçiriləcək-SİYAHI

DİM 26 mindən çox abituriyent üçün qəbul imtahanı keçirəcək

DİM 26 mindən çox abituriyent üçün qəbul imtahanı keçirəcək

Abituriyentlərin NƏZƏRİNƏ: İmtahanların vaxtı dəyişdirildi

Abituriyentlərin NƏZƏRİNƏ: İmtahanların vaxtı dəyişdirildi

Bu gün növbəti buraxılış imtahanları keçiriləcək

Bu gün növbəti buraxılış imtahanları keçiriləcək

Bu gün universitetlərə qəbul imtahanı keçiriləcək

Bu gün universitetlərə qəbul imtahanı keçiriləcək

10 iyul tarixində əvvəlki illərin məzunları üçün ali və orta ixtisas təhsili müəssisələrinə qəbul imtahanı keçiriləcək

10 iyul tarixində əvvəlki illərin məzunları üçün ali və orta ixtisas təhsili müəssisələrinə qəbul imtahanı keçiriləcək

Aprelin 28-də keçiriləcək imtahanlarda iştirak edənlərin nəzərinə!

Aprelin 28-də keçiriləcək imtahanlarda iştirak edənlərin nəzərinə!

İyulun 10-da keçirilən imtahanların nəticələri elan olundu

İyulun 10-da keçirilən imtahanların nəticələri elan olundu

Ali təhsil müəssisələrinə qəbul imtahanlarının tarixləri elan olunub

Ali təhsil müəssisələrinə qəbul imtahanlarının tarixləri elan olunub

İyunun 30-da keçirilən imtahanların nəticələri elan olundu

İyunun 30-da keçirilən imtahanların nəticələri elan olundu

DİM imtahanlarda iştirak edəcək şəxslərə müraciət edib

DİM imtahanlarda iştirak edəcək şəxslərə müraciət edib

Bu gün 9000-dən çox şəxs imtahan verəcək

Bu gün 9000-dən çox şəxs imtahan verəcək

DİM avqust ayınında keçiriləcək imtahanların siyahısını elan edib

DİM avqust ayınında keçiriləcək imtahanların siyahısını elan edib

Sabah ilk qəbul imtahanı keçiriləcək

Sabah ilk qəbul imtahanı keçiriləcək

Bu gün növbəti buraxılış imtahanları keçiriləcək

Bu gün növbəti buraxılış imtahanları keçiriləcək

20 min abituriyent ali məktəblərə qəbul imtahanı verir

20 min abituriyent ali məktəblərə qəbul imtahanı verir

Orta məktəbi Azərbaycanda oxuyan xarici vətəndaşlar qəbul imtahanını necə verəcəklər? –RƏSMİ CAVAB

Orta məktəbi Azərbaycanda oxuyan xarici vətəndaşlar qəbul imtahanını necə verəcəklər? –RƏSMİ CAVAB

Əvvəlki illərin məzunları yenidən buraxılış imtahanı verəcək

Əvvəlki illərin məzunları yenidən buraxılış imtahanı verəcək

Avqustun 11-də növbəti imtahanlar keçiriləcək

Avqustun 11-də növbəti imtahanlar keçiriləcək

İmtahan və tədbirlərin tarixləri - TƏQVİM

İmtahan və tədbirlərin tarixləri - TƏQVİM