Xəbərlər, MÜƏLLİM, Bakalavr
04 dekabr 2017
948

Tələbələrin ən çox yedikləri: makaron, kartof-yumurta soyutması, “qreçka” - “Ət ala bilmirik”


Daha tez məlumatlanmaq üçün Facebook səhifəmizi bəyən və paylaş

Tələbəlik yaş dövrü enerjili hesab olunsa da, bu dövrdə insan sağlamlıq baxımından ciddi təhlükələrlə qarşı-qarşıya qalır. Müəyyən xəstəliklərdən qorunmaq üçünsə sağlam qidalanma ən vacib şərt hesab olunur. Nəzərə almaq lazımdır ki, tələbələrin əksəriyyəti bölgələrdən paytaxta üz tutmuş gənclərdir. Belə olan halda onlar ya tək qalmalı olur, ya da bir neçə tələbə yığışıb birgə yaşayır. 


Dərs ili başladıqda tələbələrin əksəriyyəti orqanizmlərinin öyrəşdiyi qidalanma rejimini dəyişirlər. 


Tələbələr nə yeyir, necə qidalanırlar, ürəkləri istədikləri ərzağı ala bilirlərmi? Onların ət almağa gücü çatırmı?


Aztəhsil.com xəbər verir ki, modern.az tələbələrin bununla bağlı fikirlərini öyrəndik.


Bakı Mühəndislik Universiteti tələbəsi Tahir Ağazadə yeməklərdən ən çox ləvəngini sevsə də, onu yalnız rayonda-ailəsinin yanında olarkən yeyə bilir.


"Kirayədə  qalıram, ərzaq üçün aylıq təxminən 40-50 manat pul xərcləyirəm. Sevdiyim yeməklərdən özüm çox nadir hallarda ala bilirəm. Evdə ən çox özüm kartof qızardıram. Əsas yediyim yemək isə 1.20 manatlıq toyuq dönərdir. Ət isə ümumiyyətlə ala bilmirəm”. 


Bakı Dövlət Universitetinin tələbəsi Aidə İsaq da məsələyə münasibətini bildirib:


"Ümumi əlavə xərclər aylıq 150-200 manat arasında dəyişir ki, bura həm yemək, həm də yolxərci daxildir. Tələbə təqaüdü kartıma yüklənəndə ət və digər sevdiyim şeyləri ala bilirəm. Yemək hazırlamaq mənim üçün çox da problem deyil. Ən çox sevdiyim və bişirdiyim yemək kotletdir. Evdən pul yollayanda meyvə, şirniyyat ala bilirəm, amma o da həmişə olmur”. 


Azərbaycan Tibb Universitetində təhsil alan Leyla Süleymanlı deyir ki, o ən çox "Rolton” makaronları adlı hazır yeməklə qidalanır: 


"Evdə bacımla ikimiz qalırıq, ikimiz də tələbəyik. Arada rayondan da ərzaq göndərirlər, ona görə ortalama aylıq yemək xərci 70-80 manat arasında dəyişə bilər. Ümumilikdə kartof, sosiska-kolbasa, toyuq ən çox istifadə etdiyimiz ərzaq növləridir. Sevdiyim yeməklərə əlimiz çatmız, onlardan çox yeyə bilmirəm, çünki ana olmayanda bişirmək çətin olur, dərslərlə vaxt eləmək olmur”. 

Bakı Neft və Energetika Kollecində təhsil alan Gülnar Mehdiyeva deyir ki, tələbəlik sağ olsun, o, əməlli-başlı "qreçka”ya bağlanıb.


"Aylıq yemək üçün 30-40 manat xərcim çıxır. Çünki əti özüm almıram, anamgil rayondan yollayırlar. Ən sevdiyim yemək dolmadır, amma təəssüf ki, arada yeyə bilirəm. Ən çox isə "qreçka” və kartof yeyirəm”.

 

Fidan Mirzəyeva, Azərbaycan Milli Konservatoriyası:


"Biz 4 nəfər qalırıq, ərzaq üçün mən 50 manat xərcləyirəm. Amma əti həmişə burdan almırıq, evdən göndərirlər. Ən çox yediyim isə makarondur”.

 

Azərbaycan Bədən Tərbiyəsi və İdman Akademiyasının tələbəsi Hüseyn Qüdrətlinin isti yeməyi sosiska qızartmasıdır.


"Aylıq yemək xərcim hardasa 60 manat təşkil edir. Əsasən yumurta yeyirəm. İsti yemək isə rayondan pul göndərilən vaxt kafelərdə yeyə bilirəm, sonra pulum azalır deyə çatdırmaq üçün dönərlə kifayətlənməli oluram. Normalda sevdiyim yeməkləri bayramdan bayrama evimizə gedəndə yeyə bilirəm. Meyvə yediyim isə yadıma gəlmir. Mənim isti yeməyim sosiska qızartmasıdır”. 


Bakı Dövlət Universitetinin tələbəsi Nəzrin Abdullayeva isə yumurtanı səhər yeməyi üçün "yaxşı yemək” hesab etmir:


"Biz evdə 3 nəfər qalırıq. Əti valideynlərimiz rayondan göndərir. Adama 20 manatdan atışırıq, qalan şeyləri alırıq. O da, demək olar ki, bəs etmir, məsələn səhər yeməyinə yaxşı heç nə yeyə bilmirik. Təsəvvür edin, ən yaxşı halda yumurta yeyirik. Camaat, amma nələr yeyir eee...

Sevdiyim yeməklərdən çox da yeyə bilmirəm. Pulumuz az olanda daha çox makaron yeyirik. Hesab edirəm ki, yaxşı qidalanmırıq”.


Jalə Hüseynova, Azərbaycan Dillər Universiteti:


"Aylıq yemək üçün 30-40 manat xərcim çıxır. Anam arada toyuq əti göndərir, ət sevmirəm deyə özüm də almıram. Gündəliyə əksər hallarda makaron, kartof soyutması, yumurta yeyirəm. Amma mənim üçün yemək hazırlamaq problem deyil, özüm hər şeyi bacarıram. Mərci şorbası da tez-tez bişirirəm. Pulumu çatdıra biləndə meyvə və şirniyyat da alıram”.


Xəzər Universiteti tələbəsi Səbuhi Quliyevin sözlərinə görə, o qənaətlə istifadə etdiyi üçün, ərzaqa aylıq 150-200 manat xərci çıxır. 

 

"Mən kirayədə tək qalıram. Kirayə pulunu ailəm göndərir, amma digər xərclərimi qarşılamaq üçün özüm işləyirəm. Əksər hallarda yeməyi özüm bişirirəm, ailədən kənarda qalmaq məcburiyyəti yemək bişirməyi öyrənməyimə səbəb olub. Buna görə də ən çox sevdiyim yeməkləri özüm bişirə bilirəm. Bəzən dərs saatları çox olduqda fastfood-la qidalanıram”.





Whatsapp'ta Paylaş



Загрузка...
loading...

Həmçinin oxuyun:
Dünyanın bütün dillərini öyrənmək istəyən tələbə

Dünyanın bütün dillərini öyrənmək istəyən tələbə

Böyüklərin uşaqlardan öyrənəcəkləri

Böyüklərin uşaqlardan öyrənəcəkləri

Uşağa

Uşağa "mən" olmağa icazə verin - MƏSLƏHƏT

İştahasız uşağa necə yanaşmalı- MƏSLƏHƏT

İştahasız uşağa necə yanaşmalı- MƏSLƏHƏT

Uşaq psixologiyasını bilirsinizmi?

Uşaq psixologiyasını bilirsinizmi?

Gecə yemək yeyənlər BU XƏSTƏLİKLƏRƏ tutula bilər

Gecə yemək yeyənlər BU XƏSTƏLİKLƏRƏ tutula bilər

Bir çay qaşığı bala limon sıxın və... - Soyuqdəyməni aparan TƏBİİ VASİTƏLƏR

Bir çay qaşığı bala limon sıxın və... - Soyuqdəyməni aparan TƏBİİ VASİTƏLƏR

Yüksək qan təzyiqindən əziyyət çəkənlər üçün UNİKAL VASİTƏ

Yüksək qan təzyiqindən əziyyət çəkənlər üçün UNİKAL VASİTƏ

Qabığı özündən də şəfalı meyvə - MÖCÜZƏVİ FAYDALARI

Qabığı özündən də şəfalı meyvə - MÖCÜZƏVİ FAYDALARI

Qripdən qorunmaq üçün bu qidaları yeyin - Siyahı

Qripdən qorunmaq üçün bu qidaları yeyin - Siyahı

Kartof suyunun MÜALİCƏVİ XÜSUSİYYƏTLƏRİ

Kartof suyunun MÜALİCƏVİ XÜSUSİYYƏTLƏRİ

“Facebook”da yemək sifarişi funksiyası işə salındı

“Facebook”da yemək sifarişi funksiyası işə salındı

Bakıda universitet tələbəsi kirayə qaldığı evdə müəmmalı şəkildə ölüb

Bakıda universitet tələbəsi kirayə qaldığı evdə müəmmalı şəkildə ölüb

Uşaqları döydüyü deyilən müəllim: Bir az səsimi qaldıran kimi evdə deyirlər

Uşaqları döydüyü deyilən müəllim: Bir az səsimi qaldıran kimi evdə deyirlər

Bakıdakı universitetlər: “Tələbələrimizə yer verə bilmirik” - PROBLEM

Bakıdakı universitetlər: “Tələbələrimizə yer verə bilmirik” - PROBLEM

Rusiyada müəllimlər nə qədər maaş alır?

Rusiyada müəllimlər nə qədər maaş alır?

Uşağınızı məktəbə belə hazırlayın – PSİXOLOQ YOLLARI GÖSTƏRİR

Uşağınızı məktəbə belə hazırlayın – PSİXOLOQ YOLLARI GÖSTƏRİR

Bu ölkədə tələbələrin həftədə 20 saat işləmək imkanları var

Bu ölkədə tələbələrin həftədə 20 saat işləmək imkanları var

"Hər bir məktəblinin şəxsi gigiyenası ailəsindən və özündən asılıdır”

Azərbaycanlı müəllimlər etiraz etdi: “350 manat maaş alıramsa, niyə dərs keçim?”

Azərbaycanlı müəllimlər etiraz etdi: “350 manat maaş alıramsa, niyə dərs keçim?”

Qiyabi təhsil lazımdırmı? - Əmək bazarında yaranan problem və çətinliklər – ARAŞDIRMA

Qiyabi təhsil lazımdırmı? - Əmək bazarında yaranan problem və çətinliklər – ARAŞDIRMA

İmtahan qiymətlərindən aydın olur ki, əsas hədəf daha çox qazanc götürməkdir

İmtahan qiymətlərindən aydın olur ki, əsas hədəf daha çox qazanc götürməkdir

Uşaq psixologiyasını bilirsinizmi ?

Uşaq psixologiyasını bilirsinizmi ?

Uşaq psixologiyası ...Bildiklərimiz və Bilmədiklərimiz

Uşaq psixologiyası ...Bildiklərimiz və Bilmədiklərimiz