Məktəblərdə risk qrupuna daxil 1752 uşaq aşkarlanıb
Vüqar Behbudov: Məktəblərdə risk qrupuna daxil 1752 uşaq aşkarlanıb.Artıq iki ildir ki, Sosial Xidmətlər Agentliyi (SXA) Məktəbəqədər və Ümumi Təhsil üzrə Dövlət Agentliyi (MÜTDA) ilə əməkdaşlıq çərçivəsində məktəblərdə sosial iş aparır.
AzTehsil.com-n əldə etdiyi məlumata görə , bu fikirləri Sosial Xidmətlər Agentliyinin İdarə Heyətinin sədri Vüqar Behbudov Agentliyin yaradılmasının 5 illiyi münasibətilə keçirilən mətbuat konfransında səsləndirib.
O bildirib ki, ötən iki il ərzində 945 ümumtəhsil müəssisəsinə baş çəkilib. Bu məktəblərdə sosial həssas qruplara aid uşaqların müəyyənləşdirilməsi istiqamətində işlər aparılıb. Nəticədə 1 752 risk qrupuna daxil olan uşaq aşkarlanıb.
Vüqar Behbudov əlavə edib ki, bununla yanaşı, Bakı və regionlarda 90-dan çox məktəbdə maarifləndirmə tədbirləri həyata keçirilib.
