SDU tələbələrinin uğurlu pedaqoji təcrübəsi başa çatıb
SDU tələbələrinin uğurlu pedaqoji təcrübəsi başa çatıb.
16 fevral – 23 may 2025-ci il tarixləri arasında Sumqayıt Dövlət Universitetinin Filologiya fakültəsinin Məktəbəqədər təhsil ixtisası üzrə IV kurs tələbələri Sumqayıt şəhər 5 saylı körpələr evində pedaqoji təcrübə keçmişlər.
AzTehsil.com xəbər verir ki, pedaqoji təcrübənin əsas məqsədi tələbələrin nəzəri biliklərini praktikada tətbiq etmək, real pedaqoji proseslə tanış olmaq və məktəbəqədər yaş dövrü üzrə uşaqların inkişaf meyarlarını müşahidə etməkdən ibarət olmuşdur.
Təcrübə müddətində tələbələr qrupdaxili dərslərdə müşahidələr aparmış, müstəqil şəkildə məşğələlər planlaşdırıb və tətbiq etmiş, müxtəlif didaktik və inkişafetdirici oyunlar təşkil etmiş,valideynlərlə ünsiyyət, adaptasiya və fərdi yanaşma kimi vacib pedaqoji bacarıqlarını inkişaf etdirmişlər.
Təcrübə prosesinə bağçanın pedaqoji heyəti və universitetin təcrübə rəhbərləri tərəfindən daimi nəzarət olunmuş, qiymətləndirmələr mərhələli şəkildə həyata keçirilmişdir. Tələbələr gündəlik fəaliyyətlərini yazılı şəkildə sənədləşdirmiş və təcrübənin sonunda hesabat və özünüqiymətləndirmə təqdim etmişlər.
