“Keçid balını endirdilər, amma yenə irəliləyiş yoxdur” - Ali məktəblərdə 10 000 plan yeri boşdur?
Abituriyentlərin ixtisas seçimlərinə sayılı günlər qalıb. Bir çox ali məktəblərdə qəbul planında yerlər artırılıb. İddia olunur ki, 10 minə qədər plan yeri boş qalacaq. Bunu abituriyentlərin ballarının aşağı olması ilə əlaqələndirirlər.
Bəs görəsən, plan yerlərinin boş qalmasının səbəbləri nədir? İddialar həqiqəti əks etdirirmi?
Mövzu ilə bağlı Oxu.Az-a açıqlamasında təhsil eksperti Nadir İsrafilov öncədən proqnoz verməyin əleyhinə olduğunu qeyd edib:
“Belə proqnozların əleyhinəyəm. Özüm də bu proqnozu gördüm. 10 000 yerin boş qalacağı deyilib. Düşünürəm ki, düzgün deyil. Bu şəkildə proqnozlar vermək cəmiyyətdə çaşqınlıq, panika yaradır. Gedişat özü göstərəcək. İndilərdə ayrı-ayrı ixtisaslar üzrə plan yerləri məlum olur. Daha sonra da ixtisas seçimi aparılacaq. Plan yerlərinin boş qalıb-qalmayacağı seçimdən sonra bəlli olacaq. Plan yerləri dolmayanda əlavə qəbul keçirilir. İndidən plan yerlərinin boş qalacağını demək düzgün deyil. Problemə çevirmək olmaz”.
Ekspert qeyd edib ki, plan yerlərinin boş qalması faciə deyil:
“Plan yerinin boş qalmasını bəzən təhsilin keyfiyyətinin aşağı olması ilə əlaqələndirirlər. Bu, düzgün deyil. Seçimi düzgün aparmaq məsələsi də var. Elə universitet var ki, hansısa fakültəsinə 150 bal ilə daxil ola bilərsən. Eləsi də var ki, mümkün deyil. 300 bal ilə ödənişsiz oxuyanlar da az deyil. Seçimi düzgün aparmaq vacibdir. Plan yerinin boş qalması faciə deyil. 700 bal yığmayanlar da savadsız hesab olunmamalıdırlar”.
N.İsrafilov ali məktəblərə marağın azaldığını dilə gətirib:
“Artıq peşə məktəblərinə maraq artıb. İnkişafyönümlü tendensiya gedir. Əvvəl hamı ali məktəbə qəbul olmağa çalışırdı. İndi isə yeni ixtisaslar, üstəlik, peşə təhsili səviyyəsində yaranır. İldən-ilə dəyişiklik olur. Elə ixtisaslar var ki, ona meyil və tələbat azalır.
Sovet təhsilində beşballıq şkala olub. 20 bal ən yüksək hesab olunurdu. Test sistemi olandan 700 bala keçdi. Əvvəl minimum keçid 350 bal idi. Ondan sonra gördülər ki, say azaldı, 350 toplayanların sayı az oldu. Yerlər boş qaldı. Keçid balını 200-ə düşürdülər. Daha sonra 150-yə düşürdülər. Lakin yenə irəliləyiş yoxdur”.
“Ali məktəblərə qəbulun modeli dəyişilməlidir. 11 il bu uşaq oxuyub, qəbul imtahanında aşağı bal toplayırsa, illərin zəhməti hədər gedəcək. Zəhməti yerə vurmaq olmaz. Düşünürəm ki, vahid imtahana keçid olmalıdır. Dünyanın əksər ölkələrində belədir”, - deyə N.İsrafilov əlavə edib.
Qeyd edək ki, Dövlət İmtahan Mərkəzindən verilən məlumata görə, ali təhsil müəssisələrinə qəbul olmaq üçün müsabiqə şərtlərini ödəyən abituriyentlərin (həmçinin, subbakalavrlar) ixtisas seçimi 16-28 avqust tarixlərində aparılacaq.
İxtisas seçimi zamanı nələrə diqqət edilməlidir?-Mütəxəssislərin tövsiyələri.
Məleykə Abbaszadə vakant iş yerlərinin boş qalmasının səbəblərini açıqlayıb
Görülən tədbirlərin nəticəsi həm kəmiyyətdə, həm də keyfiyyətdə özünü göstərib
Kurikulumun tələbləri dərsliklərdə necə reallaşdırılır
Ali məktəblərə ixtisas seçimi - hansı dəyişikliklərə ehtiyac var?
Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib
Prezident Bakıda Hərbi Qənimətlər Parkının açılışında iştirak edib
İmtahana necə hazırlaşmalı ?
Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi
Sanitariya-epidemioloji salamatlıq haqqında Azərbaycan Respublikasinin Qanunu
BDU-nun professoru: “Quran Məhəmməd peyğəmbərin öz zəkasının məhsuludur”
AZƏRBAYCAN RESPUBLİKASININ ÜMUMTƏHSİL SİSTEMİNDƏ QİYMƏTLƏNDİRMƏ KONSEPSİYASI
2017-2018 Ümumi təhsil müəssisələrində müəllimlərə tələbatın müəyyənləşdirilməsi, pedaqoji kadrların işə qəbulu və yerdəyişməsi QAYDALARI
Ümumtəhsil məktəbləri üçün İnformatika və Həyat bilgisi fənni üzrə təhsil proqramı (kurikulumu) (I-IV siniflər)(STANDARTLAR)
Valideynlər uşaqların suallarına cavab verə bilirmi? - Biliyin rolu
Fazil Mustafadan maraqlı açıqlamalar: Təhsil siyasətini dəyişib, təhsili ideologiyadan azad etmək lazımdır.
Ümumtəhsil məktəbləri üçün Riyaziyyat fənni üzrə üzrə təhsil proqramı (kurikulumu) (I-IV siniflər) (STANDARTLAR)
Nadir İsrafilov: “Bu hal hər hansı bir panika və ajiotaj yaradılması üçün yetərli sayıla bilməz”
“Bir çox insanlar üç şeydən – güvənmək, həqiqəti demək və özü olmaqdan qorxur.” F.M.Dostoyevski.
Reallığı təkzib etməklə problem həll edilməz -İLHAM ƏHMƏDOV
Müəllimlərin “Nobel”inə namizəd olan yeganə azərbaycanlı: “MDB məkanı və ölkəmizi təmsil edən yeganə müəllim idim”
Rusdilli təhsilə maraq niyə artıb? - Ana dilindən imtinanın səbəbləri... - RƏYLƏR
"Yeganə xalqıq müəllimə pul veririk ki, uşağıma qiymət yaz"
Azərbaycanlı həkimdən koronavirusla bağlı proqnoz: İkinci dalğa...