Müəllimlər sanatoriyalara yollayış ala bilirlər?..
Yay mövsümünün gəlişi ilə əlaqədar təhsil işçilərinin də məzuniyyəti başlayır. Mövsümlə əlaqədar Azərbaycandakı müalicə-istirahət obyektlərinə - sanatoriya və kurortlara yollayış əldə etmək istəyənlərin sayı da tədricən artır. Müalicə-istirahət məkanlarına yollayış əldə etmək istəyənlər arasında təhsil işçiləri - müəllimlər də var.
Sosial şəbəkələrdəki müzakirələr sözügedən sahədə vəziyyətin heç də ürəkaçan olmadığını əks etdirir. Bəzi müəllimlər sanatoriya və kurortlara yollayış ala bilmədiklərini iddia edir, həmkarlar təşkilatını biganəlikdə suçlayırlar.
AzEdu.az saytı məsələ ilə əlaqədar öncə Azərbaycan Həmkarlar İttifaqı Konfederasiyasına sorğu ünvanlayıb.
Sorğumuza cavab olaraq bildirilib ki, ittifaqın hər bir üzvü olan müəllim yerli həmkarlar ittifaqlarına ərizə ilə müraciət edərək istirahəti və müalicəsi üçün yollayış ala bilər.
“Yollayış növbəlik əsasında verilir və qiymətin yalnız 15 faizi üzv tərəfindən ödənilir, qalan 85 faizi isə həmkarlar ittifaqı verir. Əgər müraciət müalicə ilə bağlıdırsa, bu zaman həkimin arayışı təqdim edilməlidir. Müalicə üçün verilən yollayış bir nəfər üçün nəzərdə tutulur, istirahət üçün isə belə bir məhdudiyyət yoxdur”.
Ən çox hansı istirahət yerlərinə göndərişlərin təşkil olunduğu ilə bağlı isə bildirilib ki, həmin məkanlar müxtəlif bölgələri əhatə edir, sanatoriya və kurortlar isə Bakı şəhərində və Abşeron yarımadasında yerləşir.
Müəllimlərin bir çoxu həmkarlar təşkilatlarının fəaliyyətindən narazıdırsa, bu nədən irəli gəlir?
Təhsil eksperti Nadir İsrafilovun fikrincə, yaranan ziddiyyəti və problemin kökünü Həmkarlar İttifaqının rəyasət heyətində, onun yerli təşkilatlarının mahiyyətində deyil, tərəflər arasındakı qarşılıqlı münasibətlərin düzgün qurulmamasında axtarmaq lazımdır.
“Bildiyim qədər, bu gün Azərbaycan Təhsil İşçiləri Azad Həmkarlar İttifaqı Respublika Komitəsi respublikanın müxtəlif bölgələrinin, eləcə də paytaxt rayonlarının yerli komitələrinin, ümumtəhsil ali və orta ixtisas təhsili müəssisələrinin müəllim və tələbə həmkarlar ittifaqı təşkilatları ilə sıx və qarşılıqlı əlaqələr qurur, onların sosial, maddi və mənəvi stimullaşdırıması və mükafatlandırılması üçün bütün imkanlarından istifadə edir, müəllim, şagird, və tələbələrin rəğbətləndirilməsi üçün müxtəlif adlı mükafatlar təsis edir. Azərbaycan Təhsil İşçiləri Azad Həmkarlar İttifaqı Respublika Komitəsi üzvlərinin müalicə və istirahətinin təşkil edilməsi də daim diqqət mərkəzində saxlanılır. İttifaqı Xaçmaz rayonunun Nabran qəsəbəsində yerləşən «Təhsil» İstirahət Mərkəzi 2013-cü ilin iyun ayından öz qapılarını qurum üzvlərinin üzünə açıb. «Təhsil» İstirahət mərkəzində eyni vaxtda 260 nəfərin istirahət etməsi mümkündür.
Hansısa məktəblərdə müəllimin həmkarlar ittifaqının fəaliyyətindən narazı olması kimi hallar da istisna deyil. Hesab edirəm ki, ümumi narazılığı və yaranan ziddiyyəti İttifaqın rəyasət heyəti və yerli həmkarlar təşkilatlarının mahiyyətində deyil, tərəflər arasındakı qarşılıqlı münasibətlərin düzgün qurulmamasında axtarmaq lazımdır. Çünki səmərəli əlaqələrin qurulması sayəsində İttifaqın xidmətlərindən – pul mükafatlarından, turist səfərlərindən, istirahət mərkəzlərinə göndəriş almalarından yararlanan müəllimlərimiz heç də az deyil. Buna görə də problemin kökünü mahiyyətdə deyil, məhz münasibətdə axtarmaq daha düzgün olar…”.
Ümumtəhsil məktəbləri üçün İnformatika və Həyat bilgisi fənni üzrə təhsil proqramı (kurikulumu) (I-IV siniflər)(STANDARTLAR)
Ümumtəhsil məktəbləri üçün Fiziki tərbiyə və Musiqi fənni üzrə təhsil proqramı (kurikulumu) (I-IV siniflər) (STANDARTLAR)
Təhsil müəssisələrində çalışan işçilərə Əlavə haqların ödənilməsinə dair Təlimat- Bu təlimat 1 yanvar 1997-ci ildən tətbiq edilir.
Təhsil müəssisələrində çalışan işçilərə Əlavə haqların ödənilməsinə dair 1997-ci il Təlimatı
Məzuniyyətlər haqqında AZƏRBAYCAN RESPUBLİKASININ QANUNU
Ümumtəhsil məktəbləri üçün müəssisədaxili nümunəvi intizam qaydaları
Nümunəvi intizam qaydaları
Əmək məzuniyyəti
Ümumtəhsil məktəbləri üçün Riyaziyyat fənni üzrə üzrə təhsil proqramı (kurikulumu) (I-IV siniflər) (STANDARTLAR)
Məktəblər nə zaman bağlanacaq – Nazirin yeniliyi şagirdlərə nə verəcək?
Əmək Məcəlləsindən çıxarış Əmək normaları, əməyin ödənİlməsi normaları, qaydaları və təminatları
Ən çox soruşulan 34 SUALA CAVABLAR....
Ümumtəhsil məktəbləri üçün Təsviri incəsənət və Texnologiya fənni üzrə üzrə təhsil proqramı (kurikulumu) (I-IV siniflər) (STANDARTLAR)
Ümumtəhsil müəssisələrində işəgötürənlə pedaqoji işçilər arasında əmək müqaviləsinin bağlanmasına dair T Ö V S İ Y Ə L Ə R
Vətəndaşların istirahət hüququ
Əmək Pensiyası ilə bağlı 25 SUAL - 25 CAVAB
Əmək məzuniyyəti nədir ? Kimlərə verilir ?
Təhsil müəssisələrində çalışan işçilərə Əlavə haqların ödənilməsinə dair Təlimat
Əmək məzuniyyəti - Əmək Məcəlləsindən...
DİREKTOR OLMAQ İSTƏYƏNLƏR ÜÇÜN TESTLƏR CAVABLARI İLƏ
Məktəb həkiminin işi haqqında təlimat
Dövlət hakimiyyəti orqanlarında, idarə, təşkilat və müəssisələrdə vətəndaşların təklif, ərizə və şikayətləri üzrə kargüzarlığın aparılması barədə
Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib
Görülən tədbirlərin nəticəsi həm kəmiyyətdə, həm də keyfiyyətdə özünü göstərib