Son bu ildə Quba-Xaçmazda 17 məktəbə yeni direktor təyinatı olub
Ümumi təhsil müəssisələrində idarəetmənin təkmilləşdirilməsi, təhsilin keyfiyyətinin artırılması və kadr potensialının gücləndirilməsi məqsədilə yeni direktor təyinatları həyata keçirilib. Cari ilin yanvar-sentyabr ayları ərzində keçirilən müsabiqələrin və seçim mərhələlərinin nəticələrinə əsasən, bir sıra məktəblərə yeni direktorlar təyin olunub.
Maraqlıdır, bu il ümumi təhsil müəssisələrinə (orta məktəblərə) direktor vəzifəsinə neçə nəfər təyin edilib?
AzTehsil.com- n əldə etdiyi məlumata görə mövzu ilə bağlı Təhsil Portalı Quba-Xaçmaz Regional Təhsil İdarəsinə sorğu ünvanlanıb.
Sorğuya əsasən cavab olaraq İdarədən bildirilib ki, bu ilin yanvar-sentyabr ayları ərzində Quba-Xaçmaz Regional Təhsil İdarəsinin tabeliyində fəaliyyət göstərən ümumi təhsil müəssisələrinə 17 yeni direktor təyinatı həyata keçirilib:
"Yeni təyinatlar müəllimlər arasında aparılan müsabiqələrin nəticələrinə əsasən təsdiqlənib. Təyinat alan şəxslər Quba, Xaçmaz, Qusar, Siyəzən və Şabran rayonlarının müxtəlif ümumi və tam orta məktəblərində fəaliyyət göstərəcəklər".
Yeni direktor təyinatı olunan məktəblər aşağıdakılardır:
Xaçmaz rayonu Hacıbəlikənd kənd tam orta məktəbi;
Quba rayonu Əbdüləli Nəbiyev adına Söhüb kənd ümumi orta məktəbi;
Qusar rayonu Zindanmuğac kənd ümumi orta məktəbi;
Xaçmaz rayonu Yavər Şahbazov adına Çaykənd kənd tam orta məktəbi;
Quba rayonu Zöhrab Əkbərov adına Xucbala kənd tam orta ümumtəhsil məktəbi;
Siyəzən rayonu Vüqar Qasımov adına Yenikənd kənd tam orta ümumtəhsil məktəbi;
Quba rayonu Tofiq Abdullayev adına Küpçalışlaq ümumi orta ümumtəhsil məktəbi;
Xaçmaz rayonu Seyidlər kənd ümumi orta ümumtəhsil məktəbi;
Xaçmaz rayonu Padar kənd ümumi orta ümumtəhsil məktəbi;
Quba rayonu Kamil Əlipənahov adına Yerfi kənd ümumi orta ümumtəhsil məktəbi;
Qusar rayonu Əniqoba kənd tam orta ümumtəhsil məktəbi;
Xaçmaz rayonu Bəhram Əhmədov adına Sayad kənd orta ümumtəhsil məktəbi;
Quba rayonu Amsarqışlaq kənd tam orta ümumtəhsil məktəbi;
Şabran şəhəri Oktay Bəşirov adına 2 nömrəli ümumi orta ümumtəhsil məktəbi;
Xaçmaz rayonu Ləcət kənd tam orta ümumtəhsil məktəbi;
Qusar rayonu Köhnə Xudat kənd tam orta ümumtəhsil məktəbi;
Quba rayonu Rüfət Kəlibəyov adına Xınalıq kənd ümumi təyinatlı internat tipli ümumtəhsil məktəbi.
Yeni direktorların qarşısında təhsilin keyfiyyətinin yüksəldilməsi, məktəb mühitinin sağlamlaşdırılması və innovativ idarəetmə mexanizmlərinin tətbiqi kimi mühüm vəzifələr qoyulub.
Quba-Xaçmaz Regional Təhsil İdarəsindən bildirilib ki, şəffaf seçim mexanizmləri əsasında aparılan bu təyinatlar regionda təhsilin inkişafına müsbət təsir göstərəcək.
Hələ neçə məktələr əvəzedici direktorların idarəsindədir. 
