Azərbaycanlı TƏLƏBƏ...-Ətraflı
“TEKNOFEST 2025”də iştirak etmək üçün Azərbaycandan seçilən 47 komandadan biriyik. Komandamızın adı “Aypara”dır və biz “Etibarlı peyk xəbərləşməsi” yarışında çıxış edirik. Hazırda final mərhələsindəyik və bu mərhələyə seçilən on komanda arasında yeganə Azərbaycan komandasıyıq. Bu, olduqca sevincli və qürurvericidir.
AzTehsil.com xəbər verir ki, bu fikirləri açıqlamasında Bakı Ali Neft Məktəbinin proseslərin avtomatlaşdırılması mühəndisliyi ixtisası üzrə tələbəsi Murad Şərifov bildirib.
Festivala təqdim etdikləri ideya haqqında danışan Murad deyib: “Layihəmiz peyklərin təhlükəsizliyini üç səviyyədə təmin edir. Bunlardan birincisi peykin, digəri yerin, üçüncüsü isə onlar arasındakı əlaqə səviyyəsidir. Sistemimiz bütün peyklərə tətbiq oluna biləcək səviyyədə dizayn edilib və enerjini minimum səviyyədə saxlayır. Biz burada peyk səviyyəsində statistik təhlildən istifadə edirik. Məqsədimiz yalnız anomallıqları, yəni peyklərə olan kiberhücum kimi halları müəyyən etməklə yanaşı, həm də bu problemi aradan qaldırmaqdır. Çünki hücumdan əlavə, yer stansiyasından göndərilən xəbər də yolda müxtəlif maneələrlə qarşılaşaraq dəyişə bilir. Bizim təqdim etdiyimiz sistem isə ilk növbədə bu anomallığı müəyyən edir və mümkün olduğu qədər onu aradan qaldırır”.
