Xaçmaz təhsilində YENİLİK
Bugün Xaçmaz təhsili üçün gözəl bir gün olub.
AzTehsil.com -n əldə etdiyi məlumata görə Quba - Xaçmaz Regional Təhsil İdarəsinin tabeliyində olan, Xaçmaz şəhər 7 saylı tam orta məktəb fəaliyyətə başlayıb. Bildirib ki, aylarla sürən hazırlıqlardan sonra Elm və Təhsil Nazirliyinin "tam orta məktəb" layihəsi çərçivəsində bu məktəb də fəaliyyətə başlayıb.
Məktəb gözəl təmir olunub və zəngin infrastruktur yaradılıb. Layihə üzrə Xaçmaz rayonun ümumtəhsil müəssilərindən seçilən 120 istedadlı şagird burada təhsil alacaq.
Bu şagirdlərə çox peşəkar müəllimlər dərs keçəcək. Ümidlər böyükdür.
Quba - Xaçmaz Regional Təhsil İdarəsinin tabeliyində olan, Xaçmaz rayon sektorunun müdiri Qələmşah Dostuyev bildirib ki, dərsdən sonra isə hazırlıq mərkəzində şagirdlərin əlavə hazırlığı təmin olunacaq. Maraqlı klublar yaradılacaq.
Burada həm əla təhsil mühiti olacaq, təhsildən əlavə də şagirdlərin bədii-estetik inkişafı təmin olunacaq.
Bu cür bir məktəbin Xaçmazda yaradılmasına görə cənab nazirimiz Emin Əmrullayevə və əməyi keçən digər şəxslərə dərin minnətdarlığımızı ifadə edirik.
