Nazirin bu sözünü qərəzçiliyə salmaq doğru deyil" - Elmin Nuri
Elm və təhsil naziri Emin Əmrullayev yeni tədris ilinə dair media birifinqində çıxışı zamanı deyib ki, "bizə görə təhsil eksperti yoxdur".
AzTehsil.com - n əldə etdiyi məlumata görə bu barədə danışan Sosial Tədqiqatlar Mərkəzinin sektor müdiri, elm və təhsil məsələləri üzrə tədqiqatçı Elmin Nuri bildirdi ki, Emin Əmrullayevin bu sözünü qərəzçiliyə salmaq doğru deyil:
"Söhbət burada kimisə mütəxəssis kimi aşağılamaqdan getmir. Elə nüanslar da var öz yerində, amma burda daha çox konkret addan, ekspert institutunun varlığından gedir. Dünyanın hər bir yerində, az qala hər bir sahəsinə görə müəyyən bir təhlilçilər var, şərhçilər var. Şərt deyil ki, onları ekspert adlandırasan. Şəxsən mən də həmişə demişəm ki, məni ekspert adlandırmayın. Mən tədqiqatçıyam. Məhz burada söhbət ekspert adından gedirsə, bununla razıyam. Söhbət bu mütəxəssisləri, təhsil üzrə tədqiqatçılar və təhlilçiləri aşağılamaq, zəif görməkdən gedirsə, onunla razı deyiləm. Mən düşünürəm ki, bu birinci detaldır, ikinci detal deyil".
Onun sözlərinə görə, elm və təhsil naziri brifinqdə bir çox vacib məsələlərə toxunub:
"Amma onlar kənarda qaldı. Hamı nədənsə bu təhsil eksperti məsələsini soruşur. Mənim bütün jurnalist dostlarıma, həmkarlarıma böyük hörmətim var. Hörmətimlə bərabər onlara həm də təhsillə bağlı məsələlərdə özümü borclu hesab edirəm. Amma bəziləri düşünürəm ki, bu ekspertlə bağlı sualı məqsədli şəkildə, provokasiya etmək məqsədilə verir. Bu yolverilməzdir".
