Kolleclərdə yeni təyinatlar kollektivə təqdim olunub
Kolleclərdə yeni təyinatlar kollektivə təqdim olunub.
AzTehsil.com xəbər verir ki, Elm və Ali Təhsil üzrə Dövlət Agentliyinin müvafiq əmrləri ilə təyin olunmuş yeni direktor müavinləri kollektivlərə təqdim olunublar.
Azərbaycan Dövlət İqtisad Universitetinin nəzdində fəaliyyət göstərən Qida Sənayesi Kollecinin tərbiyə işləri üzrə direktor müavini Aytən Ağayeva, Şuşa Humanitar Kollecində tərbiyə işləri üzrə direktor müavini Nərmin Hətəmova, Lənkəran Dövlət Universitetinin nəzdində fəaliyyət göstərən Sosial və Aqrar-Texnoloji Kollecdə isə tədris işləri üzrə direktor müavini Emil Vahabov kollektivə təqdim edilib.
Təqdimat mərasimlərində Elm və Ali Təhsil üzrə Dövlət Agentliyinin Orta ixtisas təhsili müəssisələri ilə iş sektorunun müdiri Zeynəb Hüseynova, Agentliyin əməkdaşları və kolleclərin kollektivləri iştirak ediblər. Görüşlərdə idarəetmənin təkmilləşdirilməsi, tədris prosesinin keyfiyyətinin artırılması, hesabatlılığın gücləndirilməsi və tələbə mərkəzli yanaşmanın inkişafı ilə bağlı məsələlər müzakirə olunub.
Tədbirlərin sonunda iştirakçıların sualları cavablandırılıb, fikir mübadiləsi aparılıb.
