MİQ-dəki yenilik direktorlara da şamil edilməlidir
Xəbər verdiyimiz kimi MİQ (Müəllimlərin İşə Qəbulu) üzrə vakansiya seçimi ilə bağlı mühüm yenilik keçdiyimiz günlərdə ictimaiyyətə təqdim olunub.
Bu barədə Məktəbəqədər və Ümumi Təhsil üzrə Dövlət Agentliyinin Ümumi təhsilin təşkili şöbəsinin müdir müavini Nurlan İsmayılbəyli bildirib.
AzTehsil.com xəbər verir ki, mövzuyla bağlı azeduya danışan deputat Ceyhun Məmmədov bu prinsipin məktəb direktorları ilə bağlı məsələlərdə də nəzərə alınmalı olduğunu bildirib.
"Məsələn, kənddəki müəllim imtahandan keçib, direktor ola bilər, amma başqa bir yerdən gətirilmiş biri direktor təyin olunur. Halbuki, yerli müəllim həm tanınır, həm qəbul olunur, həm də ailəsinə, uşaqlarına, valideynlərinə yaxın olur. Bu səbəbdən bu üstünlük direktorlar üçün də keçərli olmalıdır".
