Xəbərlər / Müəllim
18 avqust 2021
3 887
Nurlan İsmayılbəyli: Müəllimlərin işə qəbulu müsabiqəsinin müsahibə mərhələsinə 5 minə yaxın namizəd dəvət olunub
2021-2022-ci tədris ili üzrə müəllimlərin işə qəbulu müsabiqəsinin müsahibə mərhələsinə ümumilikdə 4973 namizəd dəvət olunub və müsahibələr avqustun 26-dək davam edəcək.
Bunu açıqlamasında Təhsil İnstitutunun İnsan resursları mərkəzinin direktoru vəzifəsini icra edən Nurlan İsmayılbəyli deyib. O bildirib ki, müsahibə zamanı namizədlərin peşəkar kompetensiyaları, psixoloji hazırlığı və ümumi dünyagörüşü müsahibə proqramına uyğun olaraq müvafiq komissiya tərəfindən yoxlanılacaq. Uğur qazanan namizədlər ümumi təhsil müəssisələrində müddətsiz əmək müqaviləsi ilə çalışmaq imkanı əldə edəcəklər.
