Azərbaycana gəlmək istəyən tələbələrin nəzərinə!
AzTehsil.com- n əldə etdiyi məlumata görə, bildiririk ki, xarici dövlətlərdə əldə edilmiş ali təhsilə aid kvalifikasiyaların tanınması Azərbaycan Respublikası Prezidentinin 2023-cü il 18 avqust tarixli, 2306 nömrəli Fərmanı ilə təsdiq edilmiş “Xarici dövlətlərin ali təhsilə aid kvalifikasiyalarının tanınması Qaydaları”na (Qaydalar) uyğun olaraq həyata keçirilir.Qaydaların 5.9-cu bəndinə əsasən xaricdə natamam ali təhsil alan şəxslər təhsilinin qalan hissəsini Azərbaycan Respublikasının ali təhsil müəssisələrinin birində davam etdirmək üçün ilkin olaraq kvalifikasiyalarının qismən tanınması üçün Təhsildə Keyfiyyət Təminatı Agentliyinə (TKTA) müraciət etməlidir. Ərizəçinin kvalifikasiyası qismən tanındıqdan sonra o, Azərbaycan Respublikasının ali təhsil müəssisələrindən birinə köçürülmək üçün müraciət etmək hüququ əldə edir.Köçürülmə “Ali təhsil müəssisələrinin bakalavriat (əsas (baza ali) tibb təhsilində) və magistratura səviyyələrində təhsilalanlar tərəfindən təhsil müəssisəsinin, ixtisasın, təhsilalma formasının dəyişdirilməsi, onların təhsil müəssisəsindən xaric və ya təhsil müəssisəsinə bərpa olunması, habelə təhsilalanların təhsilini müvəqqəti dayandırması (onlara akademik məzuniyyətin verilməsi) Qaydaları”na əsasən həyata keçiriləcəkdir.Qismən tanınma şəhadətnaməsi ilə əlaqədar olaraq xüsusilə qeyd etmək istərdik ki, bu sənəd sahibinə sadəcə Azərbaycan Respublikasınını ali təhsil müəssisələrindən birinə köçürülmək üçün müraciət etmək hüququ verir.Məlumat üçün bildiririk ki, TKTA tərəfindən vətəndaşların çoxsaylı müraciətləri nəzərə alınaraq, qismən akademik tanınma prosesinin həyata keçirilməsinin vaxtı 7 iyul saat 18:00-dək qədər uzadılmışdır. Köçürülmə prosesi üçün iştirak edəcək şəxslərə //apply.enic.edu.az/ keçidi vasitəsilə elektron qaydada müraciət etmələri tövsiyə olunur. Qeyd edilən saatdan sonra edilən müraciətlər nəzərə alınmayacaqdır.Xüsusilə qeyd etmək istəyirik ki, TKTA yalnız qismən akademik tanınma prosesini həyata keçirir və yekunda təqdim olunan şəhadətnamə Elm və Ali Təhsil üzrə Dövlət Agentliyi tərəfindən həyata keçirilən köçürülmə üçün tələb olunan sənədlərdən biridir.Müraciət edərkən aşağıdakı məqamlara xüsusilə diqqət edilməsi zəruridir: Müraciətçinin təqdim etdiyi akademik transkript apostil möhürü ilə leqallaşdırılmalıdır (ətraflı məlumat üçün: //www.tkta.edu.az/p/nostrify-your-diploma-201#legalization );
Müraciətçinin təqdim etdiyi akademik transkriptdə ali təhsilə qəbul tarixi aydın şəkildə qeyd edilmişdir;
Müraciət edən akademik transkriptdə tədris planında əldə edilmiş kreditlərin ümumi sayının AKT üzrə açıq şəkildə qeyd edilməsi;
Müraciətçinin təqdim etdiyi akademik transkript onun ali təhsil müəssisəsinə qəbul tarixindən etibarən bütün ali təhsil səviyyəsindəki akademik sistemlərin müəyyənləşdirilməsi yekun təhsil sənədi olmalıdır.
Müraciətçinin təqdimatında akademik transkript ingilis, rus və türk dillərindən başqa dillərdə olduğu halda Azərbaycan dilinə tərcümə və notariat qaydasında saxlanılır (ətraflı məlumat: //www.tkta.edu.az/p/nostrify-your-diploma-201#required-documents-207 );
Qeyd: Təqdim edilmiş sənədlərin autentikliyinin (həqiqi) mümkün olan ən qısa zamanda yoxlanılması təsdiq edilmiş sözügedən sənədlərin QR kodu və ya elektron imzalı (link) əlavə edilmiş şəkildə) olması arzuolunandır.
