Müəllimlərin sertifikasiya qaydalarında dəyişiklik ediləcək? - Rəsmi
AzTehsil.com xəbər verir ki ,“Sertifikatlaşdırma prosesi ümumilikdə 5 illik dövrü əhatə edir. Artıq bu prosesin ilk ilindən etibarən 3 il geridə qalıb və hazırda dördüncü il davam edir. Proses əvvəlki illərdə olduğu kimi, bu il də eyni qaydalarla həyata keçirilir”.Bu fikirləri Təhsil İnstitutunun Təhsilverənlərin Peşəkar İnkişafı Mərkəzinin direktoru Nəzakət Mehdiyeva İctimai Televiziyada yayımlanan “Xəbərimiz var” verilişində qonaq olarkən səsləndirib.Onun sözlərinə görə, bu müddət ərzində sertifikatlaşdırma prosesinə cəlb olunan bütün təhsil işçiləri – yəni müəllimlər üçün mövcud qaydalarda heç bir dəyişiklik edilməyib. Çünki qaydaların dəyişdirilməsi əvvəlki illərdə imtahan verən müəllimlərə qarşı haqsızlıq ola bilər:“Buna görə də mövcud qaydalar qüvvədə saxlanılır. Yalnız 5 illik dövr tamamlandıqdan sonra ehtimal olunur ki, müəyyən dəyişikliklər gündəmə gələ bilər. Həmin vaxt yeni qaydaların müəyyənləşdirilməsi nəzərdən keçiriləcək”.
