5 günlük məktəblərdə "Son Zəng " nə vaxt keçiriləcək?
AzTehsil.com xəbər verir ki, məktəbəqədər və Ümumi Təhsil üzrə Dövlət Agentliyinin direktoru Eşqi Bağırov: “Son zəng” tədbiri ilə bağlı Agentliyin təlimatı var.
Həmin təlimata əməl etmək lazımdır. Təhsil müəssisələrinin rəhbərlərinə bununla bağlı çağırışlar edirik. Bütün təhsil müəssisələrinə nümunəvi protokol göndərilib. Tədbirlərdə şagirdlərin çıxışları, yaradıcı hissələr nəzərdə tutulub. Amma məktəb daxilində təmtəraqlı, valideynlərə ciddi maliyyə yükü olan tədbirin keçirilməsi yolverilməzdir.
Müəssisə daxilində neqativ hallara qarşı barışmaz mövqedəyik.
Məktəbəqədər və Ümumi Təhsil üzrə Dövlət Agentliyi tərəfindən təhsil müəssisələrində yoxlama-nəzarət tədbirləri aparılır. Tədris prosesinin keyfiyyətinin artırılması və müəssisələrin fəaliyyətində şəffaflığın təmin edilməsi istiqamətində həyata keçirilən nəzarət tədbirləri sistemli və ardıcıl şəkildə davam etdirilir, vətəndaş və valideyn müraciətlərinə xüsusi həssaslıqla yanaşılır.
Çalışırıq ki, hər zaman vətəndaş-valideyn müraciətlərinə operativ yanaşaq.
Buradan bir daha məktəb rəhbərliklərinə və təhsil müəssisələrində çalışan həmkarlarımıza çağırış edərək bildiririk ki, müəssisə daxilində neqativ hallara qarşı barışmaz mövqedəyik.
Nəzarət tədbirləri nəticəsində qanunvericiliyin tələblərinə əməl etməyənlərlə bağlı ölçü götürülür”
Bəs 5 - günlük məktəblərdə son zəng nə vaxt keçiriləcək?
