Növbəti həftə imtahan var
AzTehsil.com xəbər verir ki,Dövlət İmtahan Mərkəzi tərəfindən növbəti bazar günü (25 may tarixində) ali təhsil müəssisələrinin bakalavriat səviyyəsinə qəbul üçün II və III ixtisas qrupları üzrə I cəhd blok imtahanı keçiriləcək.İmtahanda 54245 abituriyentin iştirakı gözlənilir. Onlardan 25960 nəfər (23629 nəfər Azərbaycan, 2331 nəfər rus bölməsi olmaqla) II ixtisas qrupu üzrə, 28285 nəfər (25376 nəfər Azərbaycan, 2909 nəfər rus bölməsi olmaqla) isə III ixtisas qrupu üzrə imtahanda. iştirak edəcək.Abituriyentlər imtahana gedərkən özləri ilə aşağıdakı sənədləri götürməlidirlər:
-şəxsiyyət vəsiqəsi;
-imtahana buraxılış vərəqi.
Qeyd edək ki, ötən illə müqayisədə bu il I cəhd imtahanında iştirak edən abituriyent sayında aşağıdakı qədər artım var:
II ixtisas qrupu üzrə-2009 nəfər;
III ixtisas qrupu üzrə-3146 nəfər.
