Xəbərlər / Abituriyent
08 sentyabr 2020
1 982
Məleykə Abbaszadə: “Ötən illə müqayisədə bu il nəzərdə tutulan plan yerlərinin sayında artım var”
Bu il üçün nəzərdə tutulan plan yerlərinin sayında ötən illə müqayisədə 1,79 faiz artım var. Bu da ümumilikdə 858 yer təşkil edir.
Bunu onlayn mətbuat konfransında Dövlət İmtahan Mərkəzinin Direktorlar Şurasının sədri Məleykə Abbaszadə deyib.
Onun sözlərinə görə, bu il üçün I ixtisas qrupu üzrə 299 plan yeri (1,96 faiz) azalıb. Bu göstərici II ixtisas qrupunda 381 yer azalma ilə (2,69 faiz), III ixtisas qrupunda 1015 yer artımla (9 faiz), IV ixtisas qrupunda 390 yer artımla (10,5 faiz), V ixtisas qrupunda isə 133 yer artımı (3,71 faiz) ilə müşahidə olunub.
M.Abbaszadə bu il həmçinin müəyyən universitetlərdə plan yerlərinin kəskin artdığını da qeyd edib:
"Bu universitetlərdən Azərbaycan Tibb Universitetini qeyd etmək istərdim. Orada bu il 785 yer artıq verilib. Bildiyiniz kimi Azərbaycan Tibb Universitetində bu il yeni ixtisaslarda da açılıb. Plan yerlərindəki artım Xəzər Universitetində 18 faiz, Bakı Biznes Universitetində 28 faizdir. Dövlət sifarişli yerlərin sayı isə bu il üçün 8 faiz artıb”. oxu.az
