Bu il imtahan verən abituriyentlərin 50 faizdən çoxu... - NAZİRLİK AÇIQLADI - VİDEO
Təhsil Nazirliyindən verilən məlumata görə bu il qəbul imtahanlarının nəticələrində müsbət artım var. Belə ki, ötən illə müqayisədə 200 dən artıq bal toplayan abituriyentlərin sayı 6,7 % artıb. 600 dən çox bal toplayan abituriyentlərin sayında da artım var. Bəs görəsən bu artım keçid ballarının yüksəlməsinə səbəb olacaqmı ? Təhsil ekspertləri hansı qruplar üzrə keçid ballarında artım ola biləcəyini açıqlayıb.
Bu il qəbul imtahanlarında abituriyentlərin göstəriciləri yüksəlib.
Həm 200, həm də 600 dən artıq bal yığan abituriyentlərin sayı çoxalıb. Belə ki, bu il imtahanlarda iştirak edən 35790 abituriyent, 200 dən artıq bal toplayıb ki, bu da ümumi namizədlərin 50, 6 % ni təşkil edir. Bu isə ötən illə müqayisədə 6, 7 % lik artım deməkdir.
Təhsil ekperti Kamran Əsədov bildirir ki, bu müsbət dinamika bəzi ixtisaslar üzrə keçid balının artımına səbəb ola bilər. Ümumilikdə isə plan yerləri tam dolmayacağından böyük artımlar müşahidə edilməyəcək.
Elə bunu nəzərə alaraqda Dövlət İmtahan Mərkəzi imtahan nəticələri açıqlandıqdan sonra 79 ixtisas üzrə keçid balını 200 dən 150 yə endirib. Ekspertin sözlərinə görə bu il 1,3 və 4 cü ixtisas qrupları üzrə keçid balının cuzi artımı gözləniləndir.
Hər bir halda abituriyentlər ixtisas seçərkən bu göstəriciləri nəzərə alsalar tələbə adını qazanmaqa daha yaxın olarlar.
