Əməkdar müəllim : Xüsusilə də Qarabağ müharibəsində iştirak edənləri dinləmək lazım.
Uğurlu təcrübələri dinləmək üçün kənardakı adamları dəvət edirlər. 1931ci ildə anadan olanı dinləmək üçün dəvətlər gəlir.
Biz həmin ildən olan azərbaycanlı ziyalılarımızı isə nəinki işdən uzaqlaşdırırıq, heç yada belə salmırıq. Öz yaşlı və təcrübəli bilik mənbəyimiz olan alimlərimizi, ziyalılarımızı xatırlamırıq. Xaricdəki yaşlı şəxs öz ölkəsinin adamına və adətinə uyğun nə isə danışacaq. Nəticələri göz önündə. Avropa və Amerika dediyimiz ölkələrdə adi ədəb, mədəniyyət yox. Böyük - kiçik münasibətləri pozulmuş gənclik yetişib o ölkələrdə... biz onları niyə dinləməliyik? Mənim öz ədəbim, dəyərim, yüksək mənəviyyatlı adətlərim var. Bu meyarların daşıyıcıları olan ziyalılarımızı dinləyək. Gələcəyə sağlam, ədəbli, mərifətli, vətənpərvər, möhkəm ailə bağı qura biləcək nəsil yetişdirməyə təkan ola biləcək öz ziyalımızı dinləmək gərək. Xüsusilə də Qarabağ müharibəsində iştirak edənləri dinləmək lazım, o zaman əsl vətəndaş necə olmalıdı sualına tam cavab tapılar.
Əməkdar müəllim Almaz Həsrət
