Yaşlı ziyalılarımızı hər an əbədi itirə bilərik

Bilik mənbəyi sayılan əsl dəyərli ziyalılarımızı dinləməliyikmi?

Sizcə, yaşlı nəslin bilgiləri bizə lazımdırmı?

Dünyamız yeniləndikcə, tarixi sübutlar üçün köhnə biliklər bizim gərəyimizə gəlmirmi? Yeni texnologiyaların hamısının əsasını köhnə fiziki hadisə və qanunlar təşkil eləmirmi?... Son günlərdə bir ziyalımızın səhifəsində fikrimi bildirmişdim, amma fikrimə orada tanıdığım hörmətli elm adamlarının rəylərinin olmadığını (1 nəfər xaricdə yaşayan azərbaycanlı gənc alimimiz, Pərviz Əmiraslan bəydən başqa, sağ olsun) müşahidə elədim... Əcəba nədən? Nədən, heç olmasa tənqidi mövqeyi belə olan varsa, öz mövqelərini bildirmirlər?

Təhsili dinə söykənən "alimlərin" seminarlarını dinləməyə ehtiyacımız varmı? Əsla yox...Öz təhsilimiz var, öz kökümüz var.. onları təkmilləşdirməliyik, öz pedaqogikamızın zənginliyini dünyaya çatdırmalıyıq cənablar, hörmətli həmkarlar!

Almaz Həsrət: "Çox hörmətli Şahlar müəllim. Siz, bizim çox dəyərli ziyalılarımızdansınız... Elmin, təhsilin, tədrisin yamağı olmamalıdır zənnimcə... Onların hamısı dərin kökləri olan, tam bir vücudu xatırladan nəhəng bir ocaqdır... Bu ocağa başqasının qatqısının başqa dinin təbliğinə söykənən "humanist pedaqogika" adı altında dərs keçənlərin, mənim çox dəyərli, çox dərin kökə malik olan təhsilli ziyalılarıma nəyi isə öyrətməyini qəbul edə bilmirəm. Belə bir misal var, əli yağlı olan, öz başına çəkər... dərindən araşdırmışam və öyrənmişəm ki, bəzi adamlar hindli dini sektant olan bir adamın Satya Sainin ideyalarının yayılması işində fəallaşaraq yüksək qonorar alma müqabilində seminarlar-kurslar təşkil edirlər...

Və mənim bəzi dayaz düşüncəli olan "ziyalı"larım onu dinləməkdən zövq alıbmış, həmin ideyaların paylaşımı ilə məşğul olanın seminarlarını kimisi "simfoniya" adlandırmaqla nəyə imza atdıqlarını yəqin ki, isti-isti hələ də dərk eləməyibmiş. Çox təəssüf hissi ilə deyirəm ki, mənim əsl dəyərli ziyalılarım (hələ adi müəllimləri demirəm) qarşılarına çıxan adamların dediklərinin dərinliklərində nə gizləndiyini belə araşdırmayıblar. XXI əsrdəyik, heç nə gizli qalmır... açıq-aşkar hər mözvu barədə intermetdə məlumatlar var... gərəkdirsə axtarışa verib Satya Sai ideoloqlarının kimə və nəyə xidmət etdiklərini oxumaq olar. Bəlkə daha diqqətli olmaq gərək? Təhsilimizi, xüsusilə də Azərbaycan təhsilimizi yadlardan qorumaq lazımdır...

Arxalarında heç bir dini sektaya bağlılığı olmayan, kütləvi pul toplanması ilə məşğul olmayan, ən səmərəli və ziyansız, əsl savadlı, gərəkli şəxslərin fikirlərini dinləmək Sizcə gərək deyilmi? Bəlkə gözümüzün önündə olan hər gün gördüyümüz əsl ziyalılarımızı dinləyək..? Onlardan öyrənək? Necə ki, hələ O dəyərlərimizi itirməmişik, gəlin onların seminarlarını təşkil edib, onları dinləyək? Hələ ki, gec deyil... Axı, o cür dəyərli və əsl bilik mənbəyimiz olan əsl ziyalılarımızın ömründən gün keçir... Tələsək, gecikməyək...

Ömür azdır, bizim öz kökümüzü, öz dərin tarixi pedaqoji bilikləri beyinlərində gəzdirənləri dinləmə zamanıdır... yaşlılarımızı hər an əbədi itirə bilərik... nə qədər gec deyil bunu etməliyik... Əlimdən gələni edəcəm ki, səsimi eşidən olsun, dini sektaya söykənənlərin təhsillə bağlı fikirlərini dinləməyək!!! Cavanlıq cavanlıqdır, ancaq bununla yanaşı, öz yaşlı nəslimizin biliklərini dinləyib, araşdırıb, öyrənib, biliklərimizə əlavə etməliyik ki, gələcək nəslə ötürə bilək!"

Almaz Həsrət . Əməkdar müəllim.