Azad edilmiş ərazilərdə yenidənqurma sahəsində ölkəmizlə həmrəylik və beynəlxalq dəstək mühüm əhəmiyyətə malikdir.

  Müzəffər ordumuzun  qələbəsi ilə başa çatan 44 günlük Vətən müharibəsindən sonra qarşıda dayanan  əsas vəzifə işğaldan azad edilən ərazilərin  minalardan təmizlənməsi, bərpa, yenidən qurma işlərinin  aparılması  və qayıdışın  təmin edilməsi üçün lazımi infrastrukturun formalaşdırılmasıdır. 

30 ilə yaxın düşmən tapdağında  qalan yeraltı və yerüstü sərvətləri talan edilən, ekologiyası  çirkləndirilən torpaqları minalarla zəhərləndirilən ərazilərimizdə artıq 1 ildirki yenidənqurma işləri görülür. Həyata keçirilən layihələrə nəzər salsaq, qısa zamanda kifayət qədər  böyük yol qət edildiyinin şahidi olarıq. İşğaldan azad olunmuş ərazilərimizdə  həyata keçirilən bərpa, o cümlədən inşaat işləri  bir tərəfdən həmin ərazilərimizdə  yeni dəyərlərin  formalaşmasına, eyni zamanda  məşğulluğun təmin edilməsinə  imkan yaradır.

Ölkəmizdə xüsəsən 2020- 2021- ci illərdə iqtisadi artıma təsir göstərən amil işğaldan azad olunmuş ərazilərimizin bərpasıdır. Bu istiqamətdə ayrılan vəsaitlər yeni dəyər formalaşdırdığı üçün  ümumidaxili  məhsulun artımına  artıq təsir göstərməkdədir. Növbəti illərdə bu daha da çox olacaq. Ayrı-ayrı infrastruktur layihələrə diqqət yetirsək, həmin layihələr həm müvəqqəti, həm də daimi iş yerlərinin yaradılmasına imkan yaradır. Məsələn, Füzuli Beynəlxalq Hava Limanının inşasının birinci mərhələsində yüzlərlə vətəndaşımız işlə təmin edilib. Eyni zamanda aeroport istifadəyə verildikdən sonra daimi iş yerlərində  çalışan vətəndaşlarımızın  sayında artımlar olub. İşğaldan azad olunmuş rayonlarımızda avtomobil yolları salınır, dəmir yolları bərpa edilir, elektrik xətlərininqurulması işlərinə  başlanılıb. Bu da yeni iş yerlərinin yaradılmasına imkan verir. Bu ərazilərdə kənd təsərrüfatının inkişaf etdirilməsi istiqamətində mühüm işlər görülür. Şirin su ehtiyatının  20 faizinin bu ərazilərin payına düşməsi kənd təsərrüfatının inkişafı üçün yeni imkanlar yaradır. Ərazilərin bərpa edilməsi, əkin işlərinə  başlanılması ölkədə  kənd təsərrüfatı mallarının bolluğuna səbəb olacaq. 

Azad olunan ərazilərimizin mədənçilik baxımından  xüsusi imkanları var. Yataqlarımız uzun illər düşmən tərəfindən istismar olunub və sərvətlərimiz talan edilib. Bundan sonra ölkəmizin iqtisadi imkanlarının artırılması məqsədi ilə işlədiləcək.

Prezidentimiz Cənab İlham Əliyev Şuşa səfərində çıxışında demişdir: -" Biz bu torpaqlara, doğma torpaqlarımıza əbədi qayıtmışıq və burada əbədi yaşayacayıq"

Qarabağ bizimdir!

Qarabağ Azərbaycandır!

Siyəzən şəhər M.Müşfiq adına 2 saylı tam orta məktəbin Uşaq Birliyi Təşkilatı Rəhbəri Səfərova Pərvanə.