Elektron (rəqəmsal) qiymətləndirmə prosesi KEÇİRİLİB
RTİ-nin müdiri ümumtəhsil müəssisələrində elektron (rəqəmsal) qiymətləndirmə prosesini izləyib.
AzTehsil.com xəbər verir ki, Şirvan-Salyan Regional Təhsil İdarəsinin tabeliyində fəaliyyət göstərən 32 ümumtəhsil məktəbində Regional Təhsil İdarəsi tərəfindən yaradılmış müvafiq komissiya tərəfindən həyata keçirilən qiymətləndirmə 01 dekabr 2025-ci il tarixində IX sinif şagirdləri arasında Azərbaycan dili, riyaziyyat və əsas xarici dil fənləri üzrə keçirilib. Şirvan-Salyan Regional Təhsil İdarəsinin müdiri Rəşad Musayev Salyan şəhəri Nizami Gəncəvi adına 2 nömrəli tam orta ümumtəhsil məktəbində keçirilən elektron qiymətləndirmə prosesini yaxından izləyib. Qiymətləndirməyə cəlb olunmuş şagirdlərlə fikir mübadiləsi aparıb, məktəb rəhbərliyinə və komissiya üzvlərinə müvafiq tövsiyələr verib.
Qeyd edək ki, elektron qiymətləndirmənin keçirilməsində məqsəd şagirdlərin tədris prosesində əldə etdikləri bilik və bacarıqları müəyyənləşdirmək, mövcud gerilikləri vaxtında aşkar etmək, zəruri tədbirlərin görülməsini təmin etmək, tədrisin keyfiyyətinin daha da yüksəldilməsinə nail olmaqdır.
