Uşaqlarda ağ ləkələr hansı xəstəliklərdən xəbər verir ?

Uşaqlarda ağ ləkələrə səbəb olan dəri xəstəliyi çoxdur. Bunların bəziləri müvəqqəti xarakter daşıyır, zamanla düzəlir. Bəziləri isə andangəlmə olduqları üçün daimi xarakter daşıyır.

 

Anadəngəlmə ağ ləkələrin bir qismi genodermatoz deyilən irsi xəstəliklərin ilkin əlamətləri şəklində özünü göstərir. Belə xəstələrdə sadəcə ağ ləkələr deyil eyni zamanda dərinin müxtəlif mənşəli hamartoma dediyimiz xoşxassəli törəmələri, diş malformasiyaları, saç patologiyaları, dırnaq deformasiyaları da meydana gələ bilər. Bu cür ləkələr və dərinin digər əlavə dəyişiklikləri dermatoloq üçün əsas verir ki, xəstədə mərkəzi sinir sistemi, göz, sümük, gastroenteroloji və digər daxili orqan və sistemlərin araşdırmasını başlatsın və bunun üçün pediatrik konsultasiya istəsin. Ümumiyyətlə dermatoloq ağ ləkələrin forması, ölçüsü, yerləşdiyi yeri, sayı və s. kimi parametirlərə əsaslanaraq ağ ləkənin mənşəyini təyin edir. Bəzi ağ ləkələr infeksioz mənşəli olur. Müvafiq terapiya ilə aradan qaldırmaq olur. Bəziləri allergik fonda yaranır. Həyati ciddi təhlükəsi olmur və zamanla sağalır. Uşaqlarda ağ ləkələrin bir qismi isə avtoimmun xəstəliklər fonunda yaranır. Vitiliqo və ya ala xəstəliyini məhz bu qrupa daxil etmək olar. Anadangəlmə ağ ləkələrin bəziləri isə lokal xarakter daşıyır. Yəni dərinin sadəcə bir nahiyyəsində yaranır lakin sayıları artmır. Xəstənin ömrünün sonuna qədər eyni yerdə qalır. Bəzi anadangəlmə ləkələr isə uşaq böyüdükçə sayları da, ölçüləri artır. Bu cür ağ ləkələri genetik xəstəliklərin ilkin əlamətləri sayılar bilər. Valdieynlərimizə məsləhətimiz odur ki, uşaqlarında istənilən rəngdə, xüsusən ağ rəngli ləkələrə biganə qalmasınlar. Onlar ciddi sistem xəstəliklərinin erkən xəbərçisi ola bilər. Erkən diaqnoz can qurtarır prinsipi ilə uşaqları dermatoloqa müayinə etdirmənizi məsləhət edirik.

mehdiiskandarli.com