“Biz gənc nəsli elmə yönləndirmək üçün addımlar atmalıyıq”
“Şagirdlərdə təhlil və araşdırma qabiliyyətini artırmaq lazımdır. Biz gənc nəsli elmə yönləndirmək üçün addımlar atmalıyıq”.
AzTehsil.com AzEdu.az-a istinadən xəbər verir ki, bu sözləri “Sabahın alimləri” XIV Respublika Layihə Müsabiqəsinin açılışında elm və təhsil Milli Məclisin deputatı Ceyhun Məmmədov deyib.
“Biz gənc nəsli elmə yönləndirmək üçün addımlar atmalıyıq. Şagirdlərdə təfəkkür, təhlil və araşdırma qabiliyyətini artırmaq lazımdır. “Sabahın alimləri” kimi müsabiqələrin keçirilməsi gənclərdə rəqabət ruhunu və potensiallarını ortaya qoyur.
Bəzən gənclər çox potensiallı olsalar da, özlərini ifadə edə bilmirlər. Gənclərin bacarıqlarının ortaya çıxarılması üçün bu cür müsabiqələr vacibdir.
Gənclər, əsas odur ki, burada iştirak edib, özünüzü göstərin!”
