Şagirdlər üçün psixoloji görüş keçirilib
Goranboy şəhər 4 nömrəli tam orta ümumtəhsil məktəbində həyata keçirilən tam orta məktəb layihəsi çərçivəsində təhsil alan şagirdlər üçün psixoloji görüş keçirilib.
AzTehsil.com xəbər verir ki, yuxarı sinif şagirdləri üçün təşkil edilən görüşdə psixoloq tərəfindən imtahan həyəcanının idarə olunması, özünəinamın formalaşdırılması, daxili motivasiyanın artırılması, stresslə mübarizə üsulları və təhsil həyatı ilə şəxsi həyat arasında balansın qorunması kimi mövzularda interaktiv müzakirələr aparılıb.
Görüşün əsas məqsədi şagirdlərin emosional və psixoloji rifahını dəstəkləmək, onlarda özünüifadə bacarıqlarını inkişaf etdirmək, stress və həyəcanla mübarizə yolları barədə maarifləndirmək, tədris motivasiyasını artırmaq və psixoloji hazırlığı gücləndirmək, məktəb mühitində sosial davranış normalarını müzakirə etməkdən ibarət olub
Qeyd edək ki, bu cür görüşlər mərhələli şəkildə davam etdiriləcək və digər məktəbləri də əhatə edəcəkdir. Görüşün sonunda şagirdlərin sualları cavablandırılıb və fərdi tövsiyələr verilib.
