Xəbərlər / Ziyalılar
16 oktyabr 2018
2 027
"Onda ibtidai sinfi qonşu Gürcüstandakı kimi 6 illik etmək zəruridir"
"Bu il məktəblərdə birinci sinifə qəbulda rus bölməsinə meyl edənlərin sayı çoxdur. Bu məni narahat edən məsələdir. Hesab edirəm ki, bu kökündən yanlış meyldir və bunun qarşısı alınmalıdır”.
Bu fikri Milli Məclisin deputatı Gövhər Baxşəliyeva səsləndirib. Tanınmış təhsil eksperti, alim Şahlar Əsgərov xanım millət vəkilinin bu fikrinə münasibət bildirib. Ekspert həmin fikrin şəxsi feysbuk hesabında paylaşıb.
"Deputat Gövhər Baxşəliyevanın Parlamentdə söylədiyi bu fikri mən də bəyənirəm. Bu çox vacib problemə, çox dəqiq cavabdır. Birinci sinifdə (daha dəqiq desək ibtidai məktəbdə) milli şüurun toxumları əkilir. Uşaq böyüdükcə bu toxumlar da göyərir, boy atır. Nəticədə milli-mənəvi ruh formalaşır. Bu ruhu formalaşdırmaq üçün əgər ibtidai təhsilin müddəti azlıq edirsə, onda onu qonşu Gürcüstandakı kimi 6 illik etmək zəruridir. Belə bir addım indi atılarsa, gələcəkdə qarşımıza çıxa biləcək kataklizmalardan yan keçə bilərik. Çünki milli birlik formalaşar.
İbtidai məktəbdən sonra təhsili istənilən dildə və o cümlədən rus dilində də aparmaq olar. Ancaq bu zaman da azərbaycan dili, tarixi, coğrfiyası azərbaycan dilində aparılmalıdır. Rus dilinin zəngin dil olduğu hər birimizə məlumdur. Bu çox incə və çətin məsələni gündəmə gətirdiyi üçün deputat G.Baxşəliyevaya təşəkkür edirəm və inanıram ki, deputatlarımızın onun dediklərini müdafiə edəcəklər".
Aztehsil.com
