Davamiyyət aşağı düşüb?
Müşahidələrə əsasən iyun ayının əvvəlindən orta məktəblərdə dərsliklər yığılmağa başlayıb. Dərs ilinin iyunun 15-nə qədər uzadılmasına baxmayaraq bir çox valideynlər bildirirlər ki, son 15 gündə uşaqları məktəbə boşuna aparırıq. May ayının son günlərindən məktəblərdə davamiyyətin aşağı düşdüyü də açıq - aşkar görünür. Müəllimlər isə dərsliklərin toplanmasını tədris proqramının bitməsi ilə əsaslandırırlar.
AzTehsil.com AzEdu.az-a istinadən xəbər verir.
Məktəblərdə davamiyyətin necə olması, dərsliklərin nə vaxt yığılması ilə bağlı Bakı Şəhəri üzrə Təhsil İdarəsinə göndərdiyimiz sorğuya isə belə cavab verilib:
"Ümumi təhsil müəssisələrində davamiyyətlə bağlı heç bir ciddi problem qeydə alınmayıb.Dərsliklərin təhvil verilməsi tədris ilinin sonuncu günündə həyata keçiriləcək”.
Qeyd edək ki, 2016-cı ildən orta məktəblərdə dərs ili uzadılaraq son tarix 15 iyun müəyyən olunub.
