Məktəblərə muxtariyyət verilir - Təhsildə niyə işıq görünmür?
Təhsil Nazirliyindən yeni bir qərar : "Bəzi məktəblərə muxtariyat veriləcək”
Aztəhsil.com xəbər verir ki, a24.az tələbələrin də çaşqınlıqla qarşıladığı məsələni araşdırmağa çalışıb.
Maraqlı suallar ortaya çıxır:
Son 9 ildir tətbiq olunan yeni sistem-kulikum və "muxtariyyat” qərarı bir arada necə olacaq?
İkinci və daha maraqlı bir sual Kuriklum yaxşı bir metod idisə, "təntənə” ilə qarşılanmışdısa "muxtariyyata” nə ehtiyac var idi?
Ekspertlərin fikrincə, "Təhsil resulslarını kor-koranə seçmək olmaz. Muxtariyyat veriləcəksə bu yenilik yüksək nəticə göstərən məktəblərə müəllim kollektivi və dərs standartlarını seçmək imkanları vermək şəklində olmalıdır. Bəzi məktəblərdə muxtariyyat, bəzilərində isə əvvəlki sistemin olması çaşqınlığa səbəb olacaq. Çünki ortada qəbul imtahanı deyilən bir reallıq var. Bütün məktəblilər eyni standartlarda imtahan verirlər”.
Reallıq da bu yöndədir ki, təhsil sistemində ikibaşlılığın yaranması qəbul imtahanlarında nəticələrə mənfi təsirini göstərəcək. Bu artıq danılmaz bir faktdır. Məktəblilərin alışmağa çalışdığı kurikulum sistemini bir kənara qoyub yeni "seçkili” dərs metoduna adaptasiya, uyumu isə boşuna vaxt itkisi deməkdir.
Tutaq ki, bir qisim məktəbli muxtariyyətlə təhsil aldı. Məktəbli başqa bir məktəbə keçmək məcburiyyətində qaldığı an yeni bir problem daha yaranacaq deməkdir.
Müqayisə: Avropa ölkələrində bu necədir?
Bəzi Avropa ölkələrində təhsildə qruplaşma var. Yəni yaxşı oxuyan uşaqlar müəyyən sinif və məktəblərə seçilirlər. Lakin tək fərq budur ki, onlar birbaşa Universitetlərə imtahansız qəbul olurlar”.
Statistikaya nəzər salaq:
Məlumata görə, ölkədə 4500 təhsil müəsisəsi var. 151 min müəllim fəaliyyət göstərir və bu zümrənin yalnız 75%- ali təhsillidir. Hər il təhsil alan vətəndaşların sayı isə 1,6 milyon təşkil edir. Təqribən əhalinin 17%-i təhsil alır, təhsili tədris edənlərin 25 %-i isə ümumiyyətlə ali təhsili yoxdur. Orta ixtisas təhsili ilə təhsildə ali standartları yaratmaq istəyiriksə acınacaqlı hal olan qismi məhz burdadır.
Nəticə
Məktəblərdəki təhsillə bağlı maddi-texniki bazanı artırmaq-gücləndirmək ilk mərhələ olmalıdır. Güclü təhsil, sağlam gələcək deməkdir çünki.
İkinci bir addım isə "Təhsilin sadələşdirilməsidir”. Çünki sadə təhsil metodu məktəblilərdə oxumağa stimul yaradır.
