Valideynlər 98 saylı körpələr evi-uşaq bağçasından şikayətçidirlər

Valideynlər 98 saylı körpələr evi-uşaq bağçasından şikayətçidirlər.

Bu barədə müraciət edən valideynlər iddia ediblər ki, bağçada uşaqlar üçün ayrılan qida onlara verilmir.

Onlar bildiriblər ki, bağçada gün ərzində uşaqlar ya ac qalır, ya da çox az miqdarda yeməklə təmin olunurlar.

Həmçinin o da qeyd olunub ki, uşaqların yemək siyahısında ətli xörəklər yer almır, onlar üçün nəzərdə tutulan ət rəhbərlik tərəfindən mənimsənilir.

Valideynlər iddia ediblər ki, ad günü olan uşaqların gətirdiyi tort da onlara verilmir, onu da müəllimlər götürürlər.

Sözügedən iddialar barədə Bakı Şəhər üzrə Təhsil İdarəsinə (BŞTİ) sorğu ünvanladıq.

AzTehsil.com xəbər verir ki, bildirilib ki, 98 nömrəli körpələr-evi uşaq bağçasının fəaliyyətinə dair iddialarla bağlı Bakı Şəhəri üzrə Təhsil İdarəsi tərəfindən araşdırma aparılır.

"Məktəbəqədər təhsil müəssisələrində uşaqların inkişafına xidmət edən öyrədici mühitin genişləndirilməsi, təlim-tərbiyə və idarəetmə işinin keyfiyyətinin yüksəldilməsi üçün sistemli islahatlar aparılmaqdadır. Təhsil müəssisələrində hər hansı neqativ halın baş verməsi yolverilməzdir. Təhsil müəssisələrində aparılan monitorinqlər davamlı xarakter daşıyır və aşkar olunmuş nöqsanlarla bağlı qanunvericiliyə uyğun tədbirlərin görülməsi təmin edilir.

98 saylı bağçada uşaqlara niyə ətli yeməklər verilmir?98 saylı uşaq bağçasında balacalara dövlət tərəfindən ayrılmış ət verilmir.

Bu barədə övladı həmin bağçaya gedən valideyn "qaynar xətti"ə şikayətində bildirib.

Onun sözlərinə görə, uşaqlar bağçada zəif qidalanır və ac qalır:

"Uşaqlar evə ac gəlirlər. Normal yemək verilmir. Menyuda salatlar, ət yeməkləri yer alır, ancaq realda heç nə yoxdur".

Bundan başqa valideyn iddia edir ki, bağçada qanunsuz olaraq pulla uşaq qəbul edilir:

"Pulunu verib gələnlərə dövlətin ayırdığı yeməklər verilir. Bizim uşaqlar isə ac qalır", - deyə valideyn vurğulayıb.

Sözügedən bağça ilə əlaqə saxlamaq istəsək də təəssüf ki, zənglərimiz cavabsız qaldı. Qarşı tərəf iddialarla bağlı açıqlama verəcəyi təqdirdə xəbər yenilənəcək.