Metodistlər üçün vebinar təşkil OLUNUB
Təhsil İnstitutu tərəfindən ümumi təhsil müəssisələrində fəaliyyət göstərən metodistlər üçün vebinar təşkil olunub. AzTehsil.com xəbər verir ki, Azərbaycan Respublikasının Təhsil İnstitutu tərəfindən 13 noyabrda ümumi təhsil müəssisələrində metodik xidmətin təşkili üzrə fəaliyyət göstərən metodistlər üçün “Təbiət dərslərinin dərsdinləmələrinin təşkili” mövzusunda vebinar təşkil olunub.
Vebinar zamanı təbiət fənninin tədrisi metodikası, 5E modeli haqqında məlumat verilib, iştirakçılarla əvvəlcədən aparılan sorğuya əsasən dərsdinləmələr zamanı qarşılaşılan çətinliklərin həlli yolları izah olunub və praktik olaraq dərs nümunəsi təqdim olunub. Təbiət fənn kurikulumu və metodik vəsaitdən istifadəyə aid nümunələr izah olunub.
Sonda metodistləri maraqlandıran suallar cavablandırılıb və qarşılıqlı müzakirə aparılıb.
Qeyd edək ki, metodistlər üçün vebinarların davamlı keçirilməsi nəzərdə tutulub.
