BSU-da serb və makedon dillərinin tədrisinə başlanılacaq
Rektor: BSU-da serb və makedon dillərinin tədrisinə başlanılacaq
“Ali təhsil müəssisəmizdə alman, ingilis, fransız, ukrayna, belarus, polşa, türk, yunan, rus, çex, özbək və bolqar dillərində tədris aparılır. Yaxın illərdə serb və makedon dillərinin də proqramımıza əlavə olunması planlaşdırılır”.
AzTehsil.com xəbər verir ki, bunu bu gün Bakı Slavyan Universitetinin rektoru Anar Nağıyev universitetdə keçirilən “Təhsildə yeni cağırışlar” adlı VI Beynəlxalq Forumda deyib.
O biildirib ki, universitet akademik və elmi-tədqiqat sahələrini genişləndirməklə özünü bir çox istiqamətlər üzrə inkişaf etdirir: “Artıq “Slavyanşünaslıq”, “Türkşünaslıq” və “Almanşünaslıq” üzrə əhəmiyyətli tədris və tədqiqat mərkəzlərindən birinə çevrilmişik. Bununla yanaşı, təhsil və pedaqogika sahəsində də mühüm uğurlar əldə etmişik. Tədris proqramlarımız 21-ci əsrin inklüzivlik, müxtəliflik və davamlılıq prinsiplərinə uyğun qurulub. Məqsədimiz hər bir tələbənin müasir, rəqabətədavamlı təhsil almasını təmin etməkdir”.
