Qubada “Milli Mexanika Konqresi” keçirilib
AzTehsil.com xəbər verir ki, 4 sentyabr 2025-ci il tarixdə Azərbaycan Dövlət Pedaqoji Universitetinin prorektoru, professor Asəf Zamanov, Azərbaycan Dövlət Pedaqoji Universitetinin, İstanbul Ticarət Universitetinin, İstanbul Texniki Universitetinin professor və müəllim heyəti Quba rayonuna səfər etmişdir. Səfər çərçivəsində qonaqlar Quba Rayon İcra Hakimiyyətində Rayon İcra Hakimiyyətinin başçısı İlqar Mahmudovla görüş keçirilmiş, görüşdə Quba Rayon İcra Hakimiyyəti başçısının müavinləri, Azərbaycan Dövlət Pedaqoji Universitetinin prorektoru, professor Asəf Zamanov, Təşkilat Komitəsinin Həmsədri Mehmet H.Omurtak, Azərbaycan Dövlət Pedaqoji Universitetinin Quba filialının direktoru Yusif Alıyev, professor və müəllim heyəti iştirak etmişdir.
Görüşdən sonra Quba Rayon İcra Hakimiyyətinin başçısı İlqar Mahmudov və qonaqlar Ulu Öndər Heydər Əliyevin Quba şəhərində adını daşıyan mədəniyyət və istirahət parkındakı abidəsini ziyarət etmiş, abidə önünə gül dəstələri qoymuşlar. Daha sonra Azərbaycan Dövlət Pedaqoji Universitetinin Quba filialında “Milli Mexanika Konqresi” keçirilmiş daha sonra isə qonaqlar tərəfindən Quba şəhərində “Soyqırımı Memorial Kompleksi”ndə Soyqırımı qurbanlarının xatirəsinə ucaldılmış abidə ziyarət olunmuşdur.
