Yeni tədris ilinin ilk iclası KEÇİRİLİB
AzTehsil.com xəbər verir ki, Quba - Xaçmaz Regional Təhsil İdarəsinin tabeliyində olan Xaçmaz rayonu üzrə təhsil sektoruna müdiri Qələmşah Dostuyev yeni tədris ilinə hazırlıqla bağlı təhsil müəssiələrinin direktorları ilə görüş keçirib. Görüşdə ötən il əldə edilmiş nəticələri,uğurlar və həmçinin problemlər ətraflı müzakirə edilib.
O , bildirib ki, növbəti tədris ilinə ciddi hədəflərlə və yüksək motivasiya ilə başlamaq, çalışmaq və inanmaq lazımdır.Bu bizim işimizin əsas fəlsəfəsi olacaq. Ötən tədris ilini bütün istiqamətlərdə ciddi irəliləyişlərlə başa vurduq. Bunu rəqəmlərlə, statistika ilə isbat etmişik. Amma bu yetərli deyil. Çatışmayan tərəflərimiz çoxdur. Bu il isə tam fərqli olacaq və çətinliklər qarşımızı kəsə bilməz. Xaçmaz təhsili Respublikada ən yüksək pillələrdə olmalıdır və bunu edəcəyimizə əminik. Ən böyük motivasiya qaynağımız isə cənab Prezidentimiz İlham Əliyevdir. Kiçik bir ölkəni dünya miqyaslı ölkəyə çevirə bilirsə, biz də yerlərdə kiçik də olsa işlər görə bilərik, görməliyik və onun apardığı siyasətə layiq olmağı bacarmalıyıq, deyə bildirib.Sonda isə direktorları maraqlandıran suallara cavab verilib.
Hər birimizə uğurlar arzulayırıq.
